SISIKON NU TO RASUL-RASUL 19:18 - KITAB NU TUMPU ALLA LELE MA'IMAI'

¹⁸ Da'isan na mian anu pinalesayamo hi Yesus, tinoka mongakui i ahop nu mian da'isan apaa na anu binaumo nu aha u'utu mae.

SISIKON NU TO RASUL-RASUL 19:18 ပူးပေါင်းရင်းမြစ်များ

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

MATIUS 3:6

Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

SISIKON NU TO RASUL-RASUL 19:17

Iwi-iwi' mian nu Yahudi ka' mian bansa sangga'at anu jojoong i Efesus nohongo apaa na anu tinimbalimo aijo', lantas aha i nabuhukmo. Sahingga sanggo i Tumpu Yesus pinaka puji-puji'mo.

SISIKON NU TO RASUL-RASUL 19:19

Ka' aha anu biasa mompake ilimuu' ponsumbu'an, nompolimu'mo to kita-kitab nu aha ka' pinapuannyomo i ahop nu mian da'isan. Oli nu kita-kitab haha aijo' de opotuang iwi-iwi'mo ugaat limampulu' na madala na doi salaka.

ROMA 10:10

Kalana mian palesaya i kinyonyoanyo, sahingga Tumpu nontalima ia salaku mian anu nompaha ima'mo tiba Tumpu. Ka' mule' tiba nganga'nyo mian mangaku, sahingga ia o posalamat.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.