SISIKON NU TO RASUL-RASUL 19:13 - KITAB NU TUMPU ALLA LELE MA'IMAI'

¹³ Daagi' ko to pia-piangkuka na sando nu Yahudi anu namba iyaya mae, molaa' roh ma'idek hi to mia-mian. To sando-sando haha aijo' monsoba-soba suele mompake sanggo nu Tumpu Yesus da molaa' roh nu setan aijo'. Aha notatae hi roh-roh nu setan aijo', “Tiba sanggo i Yesus anu pinolele i Paulus aijo', aku molaa' komiu!”

SISIKON NU TO RASUL-RASUL 19:13 ပူးပေါင်းရင်းမြစ်များ

KAJADIAN 4:12

De beleyum mosu'an sosu'anon, tano' madi' mombee'i hasinnyo apa-apaa; beleyum timbalimo anu mahalajangan madi'mo ko tampat kajojoongan i dunia.”

KAJADIAN 4:14

Belento nolaa'mo aku mosabat i tano' aiya, majo'onmo i tampat aiya anu saja' katokaan nu Belento. Aku timbalimo anu mahalajangan anu madi'mo ko tampat kajojoongan i dunia aiya, ka' maumo pa' ihe na mian mompateimo aku de nukabot nu aha na aku.”

1 TOMU-TOMUNDO' 22:16

Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

MAZMUR 109:10

Bakas da to ana-anaknyo lewa' mamba momoita hi mian iyaya mae ka' olaa'mo da bolimo jojoong i laigannyo anu nohobo'mo aijo'.

MATIUS 12:27

Komiu notatae tukoo miu Aku molaa' roh ma'idek kalana kuasa i Beelzebul. Desumo aitu, tiba kuasa ihe na anu saja' mombatuki belemiu molaa' roh anu ma'idek. Posi anu saja' mombatuki belemiu aijo' na mompobukuti', saba' komiu sala'!

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

MARKUS 9:38

Lantas i Yohanes notatae hi Yesus, “Tuumangku Gulu', kami nontoa samian nolaa' setan tiba sanggo nu Kita Tuuma. Ka' kami nontewa' ia kalana ia misa' lengkat hi Kita.”

LUKAS 11:19

Desumo aijo', tiba kuasa nu apaa na anu saja' mombatuki belento molaa' to roh-roh ma'idek aijo'? Posimo anu saja' mombatuki belento aijo' na momponyata', memang komiu sinala'mo!

LUKAS 9:49

Koonyo i Yohanes, “Kita Tuan, kami nontoamo mian nolaa' setan nonsanggo sanggonto Tuan, ka' kami nontewa' ia, kalana ia misa' lengkat hi kita.”

SISIKON NU TO RASUL-RASUL 19:14

Daagi' ko aha popitu' na to ana-anak mo'ane nu samian na kapala nu imam, sanggonyo i Skewa, anu nombau han sumo aijo'.

2 KORINTUS 11:4

Kalana lupanyo komiu ola sanang na montalima mian anu toka hi komiu ka' mompogulu' mongkona Yesus sangga'at – misa' i Yesus anu pipinoto'i mami hi komiu. Ka' komiu mongka'oho' mule' montalima roh ka' “lele ma'ima'” anu mompahasala' hondo tiba Roh nu Tumpu ka' Lele Ma'ima' anu toho'mo tinalima miu hi kami.

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.