SISIKON NU TO RASUL-RASUL 18:5 - KITAB NU TUMPU ALLA LELE MA'IMAI'

⁵ Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 18:5 ပူးပေါင်းရင်းမြစ်များ

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

LUKAS 12:50

Daagi' ko kasansala'an anu maboat, anu tionyo Ku oa'i. Ka' kinyonyoang-Ku mangada' hondo de ma'isa aijo' timbali.

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 10:24

salatan to mia-mian nu Yahudi tinoka sinilimu'mo titikub hi Yesus. Aha notataemo, “Ipian na kopinnyo Beleyum mompopilaya kami bata-bata? Taloakonmo mae sahondo-hondonyo, de Beleyum totu'u Tomundo' anu Momposalamat.”

YOHANES 15:27

Ka' komiu suele tionyo mombee'i katalangan mongkona Aku, kalana komiu no'imboamo ka' Aku salatanmo pe'e imomoonanyo.

YOHANES 3:28

Posi komiu nohongomo aku notatae, ‘Aku misa' Tomundo anu Momposalamat. Aku sinai mamba momona, Ia imihije.’

SISIKON NU TO RASUL-RASUL 10:42

Ka' Ia nonsai kami mompolele Lele Ma'ima' aijo' hi to mia-mian ka' nombee'i katalangan koonyo Iamo na anu i hangkat nu Tumpu da timbali Mian Kopian nu to mia-mian anu daagi' tumuu' ka' to mia-mian anu sinilakamo.

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 16:12

Lengkat i kiijo' kami nokiijo'mo i Filipi, sa'angu' na kota Kacamatan anu momona otokai i Makedonia. Filipi pinalentah nu kalaja'an Roma. I kiijo' mae kami jinojoong tino pia-pian sinaa.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 17:3

Mintoong i aya-ayat nu Kitab nu Tumpu, ia nompotalangakon ka' momponyata' saba' Tomundo' anu Momposalamat anu jinaji nu Tumpu palalu pe'e sansala ka' po'ule' tumuu' lengkat i kapatean. “I Yesus anu pinolelengku hi komiu aijo', Iamo na Tomundo' anu Momposalamat anu jinanji'akonmo,” koonyo i Paulus.

SISIKON NU TO RASUL-RASUL 18:28

Kalana kapandean i Apolos motatae sahingga i hungku'annyo na to mia-mian Yahudi i uno nu painggagaan i ahop nu mian da'isan. Ka' ia nompobukuti' nu to ayat-ayat nu Kitab nu Tumpu Allah onyi'nyo i Yesusmo na Tomundo' anu Momposalamat anu jina-jinanji'mo.

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 4:20

Kalana kami madi' timbali belenti na motatae mongkona apaa na anu tinoamo mami ka' pinosi hongo.”

SISIKON NU TO RASUL-RASUL 9:22

Panyo i Saulus nompaka pakekemo na mombee'i sisik. Hahan anu inyata'mo apaa na anu pinotokanyo mongkona i Yesus mompohoson hondo pangalati'an saba' i Yesusmo aijo' na Tomundo anu Momposalamat. Sahingga to mia-mian Yahudi anu jojoong i Damsyik madi' daagi' noko ala nonggagakon.

2 KORINTUS 1:19

Kalana i Yesus Kristus, Anak nu Tumpu, anu pinolele i Silas, i Timotius, hi belemiu; ka' tiba aku, misa' mian “Ii'” ka' “Madi'”. Panyo ola ahi' Ia susumo pinontaami “Ii'” lengkat mae hi Tumpu.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TESALONIKA 3:6

Uuka i Timotius ninsusule'mo mae ka' nompotokamo hi kami lele anu moko lame' mongkona mosia na komiu palesaya hi Kristus, ka' mompaha kali-kalibosi. Ia nompoto'imo hi kami tukoonyo komiu saja' montutugi hahan anu ma'ima' mongkona kami i kinyonyoa miu. Ka' komiu ko kahanda' mompahakabot tiba kami, pokakanamo sumo kami mule' ko kahanda' mompahakabot tiba komiu.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.