SISIKON NU TO RASUL-RASUL 18:27 - KITAB NU TUMPU ALLA LELE MA'IMAI'

²⁷ Lapas aitu i Apolos batanga'mo mamba mokiijo' i Akhaya. Sahingga to mia-mian anu palesaya hi Yesus anu i kiijo' i Efesus nontulis sulat toka hi to utu-utus anu palesaya kiijo' i Akhaya da aha mongka'oho' montalima i Apolos. Ka' tempo'nyo i Apolos tinokamo i Akhaya, ia nontulungi' aijo' kino gunanyo hondo hi to mia-mian, anu kalana balakat nu Tumpu pinalesayamo hi Yesus.

SISIKON NU TO RASUL-RASUL 18:27 ပူးပေါင်းရင်းမြစ်များ

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 11:26

Salatan siningkabotmo i Saulus, ia nomboamo i Saulus nokiijo' i Antiokhia ka' sinataun ahi' na aha nosa'angu' tiba jama'at kiijo' mae ka' nongajan da'isan na mian. Kiijo'mo i Antiokhia na to mia-mian anu palesayamo hi Yesus momonaje hondo sinanggohan to mia-mian Kristen.

SISIKON NU TO RASUL-RASUL 15:34

Panyo i Silas nomputusimo da tataapmo jojoong i Antiokhia.)

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

SISIKON NU TO RASUL-RASUL 19:1

Hau-haunyo i Apolos kiijo' i Korintus, i Paulus nambamo nolajangi to kampung-kampung anu ise' i tano' aijo' anu majo'on i Korintus, lantas tinoka i Efesus. Kiijo' mae ia nompahakabotmo tiba to pia-piangkuka na mian anu pinalesayamo hi Yesus.

SISIKON NU TO RASUL-RASUL 9:27

Lapas aitu i Barnabas tinoka hi ia, lantas nomboa ia hi to rasul-rasul. I Barnabas nonsisikakon hi aha mongkona mosia na i Saulus nontoa Tumpu i totonga' nu jalan ka' mosia na Tumpu notatae hi ia. I Barnabas nompoto'i mule' mongkona mosia na ko baaninyo i Saulus nongajan i Damsyik mongkona sanggo i Yesus.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 16:3

De aku tokamo kusaije na to mia-mian anu sinitujuanmo miu. Kubee'ije na aha sulat pongantan, da nu boa nu aha na doi anu bau pontulungi aijo' kiijo' mae i Yerusalem.

1 KORINTUS 3:6

Aku na monsu'an, lantas i Apolos na nondudu'i, panyo posi Tumpu na mompotimbali pomulaonnyo tumuu'.

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

FILIPI 1:25

Ku palesaya hondo na han aijo'. Mokonyo aijo' kusumbu' aku tataap jojoong tiba to Utu-utus iwi-iwi', da timbali montulungi komiu da mompaka pahoson ka' mompaka sanang na palesaya hi Tumpu.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

KOLOSE 4:10

I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)