SISIKON NU TO RASUL-RASUL 18:26 - KITAB NU TUMPU ALLA LELE MA'IMAI'

²⁶ Baani hondo na i Apolos nomulaimo notatae i laigan pogalejaan ka' tempo'nyo i Priskila ka' i Akwila nohongo pangajalannyo, aha nomboamo ia nokiijo' i laigannyo. I kiijo' mae aha nontalangkan hi ia lebe talaang mule' mongkona tanga'an nu Tumpu da momposalamat mian kalana i Yesus.

SISIKON NU TO RASUL-RASUL 18:26 ပူးပေါင်းရင်းမြစ်များ

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

AMSAL 9:9

Demian anu pande na nu pokinde'i, ia mompakamo pande. Ka' de mian anu tulu-tulutan hi Tumpu Allah na nu pogulu', ilimu'nyo mompaka pintuangmo.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

LUKAS 19:26

Tomundo aijo' nontaami, ‘Soba' hongo: mian anu daagi'mo, hi ia opaka bee'i lebe manjoo' mule'. Panyo mian anu madi' ko apa-apaanyo, apaa na anu hi belenyo po'ule' o ala hi ia.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 14:3

Kalana aijo' i Paulus ka' i Barnabas jinojoongmo pinin i kiijo'. Ka' binaanimo na aha notatae mongkona Tumpu. Sahingga Tumpu mule' nompotoamo bukuti', saba' lele anu pinotokamo nu aha mongkona liibos-Nyo aijo' memang totu'u; Ia nombee'i kuasa hi aha da mombau anu okabangangi ka' hahan anu ma'isa toho' tinimbali.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

SISIKON NU TO RASUL-RASUL 18:25

tiba ingajanmo da monsumbu' ajalan mongkona i Yesus. Sahingga bikas hondo na ia mongajan ma'i-ma'ima' mongkona i Yesus, mau pe'e sala'je palamandian i Yohanes na anu sinumbu'nyo.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 8:31

Tinaaman nu mian aijo', “Mosia na aku mangalati', de madi' ko anu mompotingaanakon hi belengku?” Lantas sinale'annyo na i Filipus sumake' i bendi ka' sumuhang hingga-hinggat ia.

1 KORINTUS 12:21

Mokonyo aitu, mata madi' timbali motatae hi lima, “Aku madi' mompalalui beleyum!” kabai ubak motatae hi tengke, “Aku madi' mompalalui beleyum!”

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 8:2

Mian anu monsangka tukoonyo manjoo' na anu nusumbu', sabenannyo ma'isa monsumbu' anu sahondo-hondonyo.

IBRANI 6:1

Kalana aijo', imbo' da kita mondensu'akonmo i panga-pangajalan anu lebe tongkohimona mongkona kantumuu'an nu mian Kristen anu sinsumbu'mo, da lebemo mangalati', ka' boli ola mongkamata pu'u-pu'unyo momona nu pangajalan nu agamanto. Boli kita po'ule' mule' mongulit pu'unyo nu pangajalan au'aitu mian madi'mo timbali mombau hahan anu madi'mo mingguna ka' tionyomo ahi' palesaya hi Tumpu,

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9