SISIKON NU TO RASUL-RASUL 18:10 - KITAB NU TUMPU ALLA LELE MA'IMAI'

¹⁰ Kalana Aku monsangalui beleyum. Madi' ko samian pe'e na anu moko ala mombau anu ma'idek hi beleyum kalana da'isan na mian i kota' aiya, te to mia-mian-Ku.”

SISIKON NU TO RASUL-RASUL 18:10 ပူးပေါင်းရင်းမြစ်များ

NOSABATMO 4:12

Uuka aiya, lako'mo, Ku tulingije na beleyum motatae ka' mompogulu' apaa na anu tionyo nu taloakon”.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 10:30

Konjoo' nu hambahan nu ubak i ubakum pe'e binilangmo iwi-iwi'.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 21:18

Panyo sahamba pe'e na ubakum madi' moko ala tombubut.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

SISIKON NU TO RASUL-RASUL 15:14

I Simon sala'je nontalangkan mosia na Tumpu momona-Nyo nompotoa, palahatian-Nyo hi to mia-mian anu misa' Yahudi, ko kahanda' mompile'i to mia-mian anu aijo' hi aha sangga'at da timbali mian anu palesayamo hi Ia.

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

SISIKON NU TO RASUL-RASUL 18:11

Mokonyo aijo' i Paulus jinojoong i Korintus sinataun mintonga' na ko pinnyo ka' nongajanakon potatae nu Tumpu hi aha.

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.