SISIKON NU TO RASUL-RASUL 17:8 - KITAB NU TUMPU ALLA LELE MA'IMAI'

⁸ Tiba potatae haha aijo', aha nonsaduakonmo mian da'isan ka' anu mongkuasai kota' aijo' tinimbali i hengge' hondo.

SISIKON NU TO RASUL-RASUL 17:8 ပူးပေါင်းရင်းမြစ်များ

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

YOHANES 11:48

De kita ola mompopilaya saja' sumo aitu-Nyo, iwi-iwi' na mian palesayamo hi Ia. Ka' ahennyo anu mongkuasai Roma toka mongidei Laigan nu Tumpu ka' iwi-iwi' na bansanto!”

SISIKON NU TO RASUL-RASUL 17:7

ka' i Yason nontalimamo aha i laigannyo. Aha iwi-iwi' nolanggaimo katantuan-katantuan i Kaisar nu Roma, kalana aha nontaloakon, koonyo daagi' ko tomundo' sangga'at anu sanggonyo i Yesus.”

SISIKON NU TO RASUL-RASUL 17:9

Lantas anu mongkuasai aijo' nompalentahmo i Yason ka' to mia-mian palesaya sangga'atannyo aijo' mombayan nu doi bau polugi'i. Ilapas aijo' atina'je ka' aha pinolapas.