SISIKON NU TO RASUL-RASUL 17:28 - KITAB NU TUMPU ALLA LELE MA'IMAI'

²⁸ Sumo anu tinaloakon nu mian, ‘Kita tumuu' ka' kolalaajang ka' jojoong i dunia aiya, kalana kakuasa'an-Nyo'.’ Pokakana suele tiba anu tinaloakonmo nu to pia-piangkuka na mian anu nontulis pantun miu. Aha notatae, ‘Kita iwi-iwi' te to ana-anak-Nyo.’

SISIKON NU TO RASUL-RASUL 17:28 ပူးပေါင်းရင်းမြစ်များ

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 66:9

Ia nonjagaimo mae kami da sabole-bole tumuu', ka' madi' mompojohok kami da silaka.

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

LUKAS 20:38

Yo, Tumpu aijo' misa' Tumpu nu mian silaka! Ia Tumpu nu to mia-mian tumuu'! Kalana i ahop nu Tumpu, iwi-iwi' na mian tumuu'.”

LUKAS 3:38

anak i Enos, anak i Set, anak i Adam, anak nu Tumpu.

YOHANES 11:25

“Akumo na mombee'i kantumuu'an ka' po'ule' mompotumuu' mian mate,” koo-Nyo i Yesus hi Marta, “Mian anu palesaya hi beleng-Ku po'ule' tumuu' mau mule' ia natemo.

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

KOLOSE 1:17

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

TITUS 1:12

Toho' kino posi nabi nu aha, anu lengkat mae i Kreta suele, notatae, “To mia-mian nu Kreta saja' baleko', ka' sumo binatang anu bahangihi', mabebes ka' moluluk.”

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.

IBRANI 2:11

I Yesus nompolomasmo mian i dosa' nu aha iwi-iwi'; ka' Ia anu nompoloasmo, tiba aha anu pinoloasmo aijo', hingga-hinggat nontuumamo Tuuma samian. Mokonyo aijo' i Yesus madi' ma'ambang na mongakui aha aijo' sumomo to utu-utus-Nyo.

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.