SISIKON NU TO RASUL-RASUL 17:26 - KITAB NU TUMPU ALLA LELE MA'IMAI'

²⁶ Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

SISIKON NU TO RASUL-RASUL 17:26 ပူးပေါင်းရင်းမြစ်များ

KAJADIAN 3:20

I Adam nonsanggohimo bengkele'nyo i Hawa, kalana boune aijo' tina nu iwi-iwi' na manusia.

KAJADIAN 9:19

Aha totolu' na anak i Nuh, aijo'mo na mompolee' nu iwi-iwi' mian i dunia.

AYUB 12:23

To bansa-bansa pinotimbali-Nyomo nanjoo' ka' binilahimo, lantas pinatean-Nyomo na aha sahingga nohopu'mo

AYUB 14:5

Konjoo'nyo nu umun nu manusia tinantukanmo nu Belento; konjoo'nyo nu bitu'onnyo pinatikolomo nu Belento. Ka' mule' kinoyomo nu Belento toka iya na kantumuu'annyo; ia madi' timbali moliu-liu.

MAZMUR 31:15

Panyo aku montaha'imani Belento o Tumpu, kalana Belentomo na Tumpu-ngku.

MAZMUR 74:17

Belento nontantukanmo toka iya na puusnyo nu dunia, nontantukanmo tempo' nu posinaa ka' tempo' nu ehua.

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 34:17

Tumpu na mombagimo lipu' aijo' hi aha ka' toto samian mohumpakmo pombagiannyo. Aha jojoongmo ikiijo' sampe toka sidu-sidutu', ka' mule' tano' timbalimo anu nu aha sampe molundu-lundu na tulunan.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

DANIEL 11:27

Lapas aijo' ua-ua'aha na tomundo' aijo' sumuhangmo mongahopi sa'angu' na meja ka' mongkaanmo hingga-hinggat, panyo aha toto samian ko posi-posi niat ma'idek ka' aha mompaha bale-baleko'i. Panyo tanga'an nu aha aijo' madi' jinadi kalana misa' pe'e tempo'nyo.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

1 KORINTUS 15:22

Sumo mian iwi-iwi' tionyo silaka kalana pinokakanakonmo sumo i Adam, sumo aitu mule' iwi-iwi' po'ule' opotumuu' kalana opokakanakonmo sumo i Kristus.

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.