SISIKON NU TO RASUL-RASUL 17:25 - KITAB NU TUMPU ALLA LELE MA'IMAI'

²⁵ Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

SISIKON NU TO RASUL-RASUL 17:25 ပူးပေါင်းရင်းမြစ်များ

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

AYUB 27:3

aku basumpa': De daagi' Tumpu Allah mombee'i aku nyawa, de daagi' ko nyawa i uno nu butongku,

AYUB 33:4

Roh nu Tumpu Allah na nompotimbalimo aku ka' nombee'imo kantumuu'an hi belengku.

AYUB 34:14

De bisuannyo Tumpu Allah mombubutmo nyawa nu manusia ka' po'ule'mo mongala santuu'nyo anu mompotumu' ia,

MAZMUR 16:2

Aku notataemo, “Belentomo na Tumpungku, bau kabilahianku, madi' ko anu molingkudui Belento!”

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

NOMBILANGMO 27:16

“O Tumpu Allah, anu mombee'i mae kantumuu'an hi iwi-iwi' na anu tumuu', ku kakase, potiju'akon mae samian na anu moko ala molaya' bansa aiya;

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

SISIKON NU TO RASUL-RASUL 17:28

Sumo anu tinaloakon nu mian, ‘Kita tumuu' ka' kolalaajang ka' jojoong i dunia aiya, kalana kakuasa'an-Nyo'.’ Pokakana suele tiba anu tinaloakonmo nu to pia-piangkuka na mian anu nontulis pantun miu. Aha notatae, ‘Kita iwi-iwi' te to ana-anak-Nyo.’

ROMA 11:35

Ihe na toho'mo nombee'i apa-apaa hi Tumpu sahingga timbali momoita pombalosi-Nyo?”

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.