SISIKON NU TO RASUL-RASUL 17:24 - KITAB NU TUMPU ALLA LELE MA'IMAI'

²⁴ Tumpu anu nompotimbali dunia aiya tiba isinyo iwi-iwi', aijo'mo na tumpu nu langit ka' tano'. Ia madi' jojoong i uno nu to lai-laigan nu pilogot anu nubau nu mian.

SISIKON NU TO RASUL-RASUL 17:24 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 14:19

lantas nombalakatimo i Abram, ia notatae, “O' amalakon da Tumpu Allah Anu Matangkas hondo na kuasanyo, anu nompotimbalimo langit ka' tano' mombalakati i Abram!

KAJADIAN 14:22

Panyo tinaaman i Abram, “Aku basumpa' i ahop nu Tumpu, Tumpu Allah Anu Matangkas hondo na kuasanyo, anu Nompotimbalimo langit ka' tano,

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

2 TOMU-TOMUNDO' 19:15

lantas binalado'amo, ia notatae, “Tumpu, Tumpu Allah Israel anu jojoong kiita' i suluga', Belentomo na sa'a-sa'angu'nyo anu mongkuasai silina na kalaja'an i dunia aiya. Belentomo na anu mompodaagi' langit tiba tano' aiya.

2 TAWARIKH 2:6

Panyo sabenanyo madi' ko mian anu moko ala mombau Laigan nu Tumpu Allah, kalana songko-songko na langaa madi' sampa' na kodaka'nyo bau kajojoongan-Nyo. Jadi, Laigan nu Tumpu anu ku poko ala ku bau aijo', ola ugaat saimbanggan tampat pompapuan kamangian anu osombahkon hi Tumpu Allah!

2 TAWARIKH 6:18

Panyo, o Tumpu Allah, pa' totu-totu'u ahi' na belento sanang na jojoong i dunia aiya hi kami manusia? Langit iwi-iwi' ma di' sukup na ko ewanyo bau kajojoongan nu Belento, ka' aiyaje laigan anu kuba-kubau aiya ponsomban belento tantu lebe madi' sukup!

MAZMUR 115:16

Langit samata-mata anu nu Tumpu, panyo tano' binee'-Nyomo hi manusia.

MAZMUR 146:5

Mohumpak kantumuu'an ma'ima' na mian anu talalo hondo montaha'imani Tumpu-nyo, ka' ko Tumpu i Yakub salaku anu montulungi ia.

MAZMUR 148:13

Tionyo ahi' aha iwi-iwi' mompuji' sanggo nu Tumpu, kalana sanggo-Nyo lebe talasanggo molingkudui iwi-iwi' na sanggo; katalasanggoan-Nyo lebe matangkas molingkudui langit ka' tano'.

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

YESAYA 40:12

Ihe na moko ala montakan ndalangon nu pala nu limanyo, kabai mongukun aita' langa ola ojingkan nu lima? Ihe na moko ala montakan tano' nu dunia aiya nu pontakan, kabai montimbang bungkutnyo tiba puge'nyo nu timbangan?

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YESAYA 45:18

Tumpu na nompotimbali langit, Lamo ia Tumpu! Lamo ia nompotimbali ka' mule' nontali' dunia aiya, binaumo hoso-hoson ka' tataap satinjonyo. Ia madi' nompotimbali tampat anu liing hondo, panyo tampat da bau kajojoongan. Lamo ia notatae, “Akumo na Tumpu ka' madi'mo kosangga'atannyo.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEREMIA 10:11

Belemiu o manusia tionyo ahi' mompoto'i hi aha taalu' to pilo-pilogot anu madi' nompotimbali langit tiba tano' aijo' opateimo. Aha madi'mo daagi' tumuu' itano' aiya.)

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 5:34

Panyo uuka Aku motatae hi beleyum: Boli hondo-hondo basumpa', mau monsanggo langit, sabab langit aijo' Tumpu na anu mongkuasai,

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

YOHANES 1:1

Momonanyo, ma'isa pe'e dunia pinotimbali, Potatae nu Tumpu Allah polo-polo'mo daagi'. Potatae nu Tumpu sa'a-sa'angu'mo tiba Tumpu ka' Potatae nu Tumpu sumo-sumomo Tumpu.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 4:24

Salatan i hongo nu to sanga-sangalu nu aha aijo', aha hingga-hinggat nomposa'angu'mo kinyonyoa binalado'a hi Tumpu. Aha notatae, “Tumpu, Kitamo na nompotimbali langit ka' tano', ambai ka' iwi-iwi' na isinyo.

SISIKON NU TO RASUL-RASUL 7:48

Panyo Tumpu anu Matangkas na Kuasanyo madi' jojoong i uno nu laigan anu obau nu mian; kalana i uno nu kitab nu nabi tinulismo sumo uuka,

ROMA 1:19

Apaa na anu nupoko ala nu sumbu' nu mian mongkona Tumpu, i nanasamo i uno nu kinyonyoa nu mian, kalana Tumpu na nomponyata'mo aijo' hi mian.

PO'ULE' INGULIT 10:14

Tumpu Allah nu belemiu ko langit-Nyo matangkas; ka' ko tano'-Nyo ka' iwi-iwi' apaa na anu daagi' aijo' i tano'.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

IBRANI 3:4

Memang iwi-iwi' na laigan daagi' ko anu nompotinjo, panyo anu mompotinjo iwi-iwi na apaa atina'mo samata-mata Tumpu.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.