SISIKON NU TO RASUL-RASUL 17:2 - KITAB NU TUMPU ALLA LELE MA'IMAI'

² Sahingga i Paulus suele namba nokiijo' i laigan pogalejaan aijo' – sumo anu biasa nubau de daagi' ko sa'angu' na laigan pogalejaan nu mian Yahudi – lantas nompaha buka-buka' pikilan tiba to mia-mian i kiijo' mongkona to aya-ayat Kitab nu Tumpu Allah. Ia nombau aijo' tolun sinaa i sinaa nu Sabat, madi' ko olotnyo.

SISIKON NU TO RASUL-RASUL 17:2 ပူးပေါင်းရင်းမြစ်များ

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

LUKAS 4:16

I Yesus namba mule' i Nazaret, tampat pinompodaka'an Ia. I sinaa nu Sabat, sumo kabiasa'an-Nyo Ia namba i laigan pogalejaan. Ia tinuminjo nombasa' Kitab nu Tumpu,

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

SISIKON NU TO RASUL-RASUL 13:14

Lengkat i Perga, aha nolausakonmo lumambanan nokiijo' i Antiokhia i Pisidia, lapas aitu i sinaa nu Sabat aha nambamo sinumuhang i uno nu laigan pogalejaan.

SISIKON NU TO RASUL-RASUL 13:5

Salatan tinoka i Salamis, aha nompolelemo potatae nu Tumpu Allah i to lai-laigan pogalejaan nu Yahudi. I Yohanes Markus nontulungi aha i uno nu lumambanan nu aha.

SISIKON NU TO RASUL-RASUL 14:1

I Paulus ka' i Barnabas nongoa'i mule' han anu pokakana i Ikonium. Aha namba mule' nokiijo' i laigan pogalejaan nu mian Yahudi ka' notatae i kiijo' na'ima' hondo sahingga da'isan na mian nu Yahudi ka' mian misa' Yahudi pinalesayamo hi Yesus.

SISIKON NU TO RASUL-RASUL 17:10

Pihi-pihi aitu to mia-mian palesaya i kota aijo' nompokaumo i Paulus ka' i Silas namba nokiijo' i Berea. Sinaintoka i kiijo', mae i Paulus ka' i Silas nambamo i laigan pogalejaan nu Yahudi.

SISIKON NU TO RASUL-RASUL 17:17

Mokonyo aijo' i laigan pogalejaan, i Paulus nompaha buka-buka pikilan tiba to mia-mian nu Yahudi ka' to mia-mian sangga'atannyo anu monsombah Tumpu i kiijo'. Sumo aitu mule' i to pasar-pasar toka nu sansina-sinaa ia mompaha buka-buka' pikilan tiba batu-batu mian anu i kiijo'.

SISIKON NU TO RASUL-RASUL 18:4

Panyo toka i sinaa nu Sabat i Paulus mamba basisik i laigan pogalejaan da to mia-mian nu Yahudi mau pe'e to mia-mian nu Yunani palesaya hi Yesus.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 8:35

Sahingga i Filipus mule' mulaimo notatae; ia nompake aya-ayat aijo' salaku pontampu'uni da moleleakonmo Lele Ma'ima' mongkona i Yesus hi anu ko pangkat matangkas aijo'.

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;

1 SAMUEL 12:7

Uuka aiya boli pe'e mamba. Ku posala' mo na belemiu i ahop nu Tumpu. Soba tutugi na kalibosan nu Tumpu iwi-iwi' anu pinotoa-Nyomo hi belemiu ka' hi mompole' nu belemiu.