SISIKON NU TO RASUL-RASUL 17:19 - KITAB NU TUMPU ALLA LELE MA'IMAI'

¹⁹ Lantas aha nomboa i Paulus nokiijo' i pogombuan i Bungkut nu Areopagus. I kiijo' mae aha notatae hi ia, “Kami kahanda' monsumbu' pangajalan anu bu'ou anu pinolele nu beleyum aijo'.

SISIKON NU TO RASUL-RASUL 17:19 ပူးပေါင်းရင်းမြစ်များ

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MARKUS 1:27

Iwi-iwi' na mian binangang hondo, ka' sinailapas aha notatae samian ka' sangga'at, “Ibeh apaa na aiya? Sa'angu' na pokinde' anu sala'je! Tiba palentah ka' kuasanyo, Ia mompalentah to roh-roh ma'idek nosabat, ka' aha nohongo Ia!”

YOHANES 13:34

Palentah bu'ou Kubee' hi komiu: Pompaha kali-kalibosi samian ka' samian. Sumo Aku mongkalibosi komiu, sumo aijo' suele na komiu tionyo mompaha kali-kalibosi.

SISIKON NU TO RASUL-RASUL 17:20

Kalana beleyum montalangkan hahan anu o hongo madi' minsoop i akan i bihing mami. Mokonyo aijo', kami kahanda' monsumbu' alati'nyo.” (

SISIKON NU TO RASUL-RASUL 17:22

Tempo'nyo i Paulus tinuminjo i ahop nu to mia-mian anu binala gombu i Areopagus aijo', i Paulus notatae, “O, to mia-mian Atena! Aku nontoa saba' i uno nu iwi-iwi' na han komiu talalo bala agama.

SISIKON NU TO RASUL-RASUL 17:34

Panyo daagi' ko anu aijo' hi aha na mosambiha' hi Paulus ka' palesaya hi Yesus, aijo' hi aha: I Dionisius mian anu ko pangkat mokalaja i Areopagus, ka' samian na boune sanggonyo i Damaris, ka' to pia-piangkuka mule' na mian.

SISIKON NU TO RASUL-RASUL 23:19

Kapala nu suludadu aijo' nontoongi lima nu olitau aitu, lantas nomboa ola posi ia i sohipi' ka' nompokilawa, “Apaa na ka'oho' nupoto'i hi belengku?”

SISIKON NU TO RASUL-RASUL 24:24

Ilapas aijo' tino pia-pian sinaa, i Feliks tinokamo sinangaluan mae nu bengkele'nyo sanggonyo i Drusila; ia mian nu Yahudi. Lantas i Feliks nompokau mian mongala i Paulus, lapas aijo' i Feliks nompotombihingmo i Paulus notatae mongkona palesaya hi Kristus Yesus.

SISIKON NU TO RASUL-RASUL 25:22

Lantas i Agripa notatae hi Festus, “Aku kahanda' mohongo mian aijo'.” “Dodop kita Tuan mohongoje,” tinaaman i Festus.

SISIKON NU TO RASUL-RASUL 26:1

I Agripa notatae hi Paulus, “Beleyum opobee' motatae da mompototu'u kahondoan nu butongum.” Sahingga i Paulus nohangkat limanyo lantas nompotoka pompototu'u butongnyo sumo uuka.