SISIKON NU TO RASUL-RASUL 17:13 - KITAB NU TUMPU ALLA LELE MA'IMAI'

¹³ Salatan to mia-mian Yahudi i Tesalonika nohongomo saba' i Paulus nompolelemo suele potatae nu Tumpu i Berea, aha suele tinokamo i Berea monsale'i ka' nongkakeha'i to mia-mian i kiijo' da madi' sinanang.

SISIKON NU TO RASUL-RASUL 17:13 ပူးပေါင်းရင်းမြစ်များ

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

AMSAL 15:18

Mian anu malia' pusa monsaduakon painggagan; panyo mian anu sabaan momboa paladamean.

AMSAL 28:25

Lebe mompentingkan posi butong, monsaduakon painggagan, beleyum lebe untung de palesaya hi Tumpu.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

LUKAS 12:51

Kabai osangka miu, Aku toka momboa mae paladamean i dunia? Madi', misa' paladamean, panyo mule' mongewa.

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

SISIKON NU TO RASUL-RASUL 17:1

I Paulus ka' i Silas nolausakonmo lajang nu aha montulu i Amfipolis ka' i Apolonia lantas tinoka i Tesalonika. I kiijo' mae daagi' ko laigan pogalejaan nu mian Yahudi.

SISIKON NU TO RASUL-RASUL 17:10

Pihi-pihi aitu to mia-mian palesaya i kota aijo' nompokaumo i Paulus ka' i Silas namba nokiijo' i Berea. Sinaintoka i kiijo', mae i Paulus ka' i Silas nambamo i laigan pogalejaan nu Yahudi.

SISIKON NU TO RASUL-RASUL 17:5

Panyo to mia-mian Yahudi madi' sanang na kinyonyoa. Aha nolaga to mia-mian anu mahalajangan i jalan-jalan ka' nongatun posa'angu'an kalakuan anu ma'idek. Lantas aha nompokalangkabutmo songko-songko na kota aijo' ka' nompinsoopi laigan nu samian anu palesaya sanggonyo i Yason molio i Paulus, ka' i Silas, kalana aha ka'oho' momboa i Paulus ka' i Silas mosabat mangadap hi mian da'isan.

SISIKON NU TO RASUL-RASUL 20:4

I Sopatar anak i Pirus anu nolengkat mae i Berea namba nohingga-hinggat ia; sumo aitu mule' i Aristarkhus ka' i Sekundus mian nu Tesalonika, ka' i Gayus mian nu Derbe. Suele i Timotius, i Tikhikus, ka' i Trofimus, to mia-mian lengkat i Provinsi Asia.

SISIKON NU TO RASUL-RASUL 21:27

Salatan tempo'nyo ipitunmo na sinaa aijo' malia'mo pupus, to pia-piangkuka na mian nu Yahudi lengkat mae i Asia nontoa i Paulus i uno nu Laigan nu Tumpu. Lantas aha nonsale'imo mian da'isan, lapas aijo' nontoongimo i Paulus,

SISIKON NU TO RASUL-RASUL 6:12

Sumo aitumo na aha monsale'i to mia-mian, ka' to pola-polaya' nu Yahudi, tiba to gulu-gulu' nu agama. Lantas aha nambamo nohakop i Stefanus, lapas aijo' binoa na ia mangadap hi Mian Kopian Daka' nu Agama.

2 KORINTUS 11:26

Toto minsan ilumambananku mompai silakamo: iyaba' mompai silakaimo, tololang mompai silakaimo, mian nu Yahudi kabai misa' mian nu Yahudi mompai silakaimo, mian i uno nu kota mompai silakaimo, ka' mule' mian anu i sambiha'nyo nu kota mompai silakaimo, ambai mompai silakaimo, ka' suele anu mompai silakai aijo'mo to mia-mian anu mangaku butongnyo salaku moto utus kalana bubuu' Kristen padahan misa'.