SISIKON NU TO RASUL-RASUL 17:11 - KITAB NU TUMPU ALLA LELE MA'IMAI'

¹¹ To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 17:11 ပူးပေါင်းရင်းမြစ်များ

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

MAZMUR 119:100

Aku na lebe mangalati' molingkudui to tu'a-tu'anyo, kalana aku montoongi iwi-iwi' na anu pinutusanmo nu Belento.

MAZMUR 119:148

Sampahu-pahu na aku tumudong lewa mompotutugakon pangajalan nu Belento.

MAZMUR 119:97

Talalo hondo ku ka'ima'i na atulan nu Belento; ku tutugi sansina-sinaa.

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 8:10

Ohalagai na pokinde'ku, nulingkudui na salaka anu madi' kogalo'nyo. Opentingkan na ilimu' nu lingkudui na mosoni' anu madi' kogalo'nyo.

AMSAL 9:9

Demian anu pande na nu pokinde'i, ia mompakamo pande. Ka' de mian anu tulu-tulutan hi Tumpu Allah na nu pogulu', ilimu'nyo mompaka pintuangmo.

YESAYA 34:16

Soba lio ka' basa' i uno nu Kitab nu Tumpu; Madi' ko sa'angu' pe'e na binatang haha aijo iwi-iwi' ko anu molapus kabai anu madi' moto osoa. Kalana memang sumo aijo'mo ahi' na palentah nu Tumpu ka' posi Ia ahi' na nomposihukmo aha.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YEREMIA 2:21

Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

MATIUS 13:23

Ka' bine' anu nanabu' i tano' anu molumba', sumomo to mia-mian anu mohongo lele aijo' ka' mangalati'. Aha mimbua' manjoo', daagi' ko anu sa'atu, daagi' ko anu anom pulu', ka' daagi' ko anu tolumpulu' lipat na hasinnyo.”

LUKAS 1:2

Aha nontulis sosok tiba apaa na anu sinisikakon hi kita nu to mia-mian anu pinosi toanyo na hahan aijo' lengkat pe'e i momonanyo, ka' lapas mae nompolele lelenyo.

LUKAS 11:3

Bee'iakon mae sansina-sinaa kaanon anu opalalui mami.

LUKAS 16:29

I Abraham nontaami, ‘Aha ko kitab-kitabmo i Musa tiba kitab nu to nabi-nabi! Bakas aha montulutije apaa na anu tinulismo i uno nu kitab-kitab aijo'!’

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 3:21

Panyo mian anu mombau pongka'oho' nu Tumpu, toka i jingka da kantoan apaa na anu binaunyo memang mombatuki pongka'oho' nu Tumpu.

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 11:1

To Rasul-rasul ka' to mia-mian anu palesayamo i songko-songko na Yudea nohongomo saba' to mia-mian anu madi' bala agama Yahudi suele nontalimamo potatae nu Tumpu.

SISIKON NU TO RASUL-RASUL 17:1

I Paulus ka' i Silas nolausakonmo lajang nu aha montulu i Amfipolis ka' i Apolonia lantas tinoka i Tesalonika. I kiijo' mae daagi' ko laigan pogalejaan nu mian Yahudi.

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

PO'ULE' INGULIT 29:29

Daagi' ko to pia-piangkuka na han na anu pinohowini nu Tumpu Allah-nto, panyo atulan-Nyo pinoto'i-Nyomo hi kita, ka' kita tiba lee'to tionyo ahi' montuluti sampe toka sidu-sidutu'.”

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.