SISIKON NU TO RASUL-RASUL 16:6 - KITAB NU TUMPU ALLA LELE MA'IMAI'

⁶ Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 16:6 ပူးပေါင်းရင်းမြစ်များ

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

LUKAS 1:2

Aha nontulis sosok tiba apaa na anu sinisikakon hi kita nu to mia-mian anu pinosi toanyo na hahan aijo' lengkat pe'e i momonanyo, ka' lapas mae nompolele lelenyo.

SISIKON NU TO RASUL-RASUL 10:19

Hau-haunyo i Petrus daagi' solaa' mompotutugakon da nu sumbu' na alati'nyo nu anu tinoanyo aijo', Roh nu Tumpu notatae hi ia, “O, Petrus, daagi' ko aha totolu' hau-haunyo molio beleyum.

SISIKON NU TO RASUL-RASUL 11:12

Lantas Roh nu Tumpu nonsai aku mamba mohingga-hinggat tiba aha ka' madi' bata-bata. Aha anom na mian moto utus aiya suele nombatukimo aku nokiijo' i Kaisarea, ka' kami iwi-iwi' ninsoop i uno nu laigan hi Kornelius.

SISIKON NU TO RASUL-RASUL 16:7

Salatan tinokamo i potempasan nu Misia, aha nompi pinsoopmo mokiijo' i Provinsi Bitinia, panyo Roh i Yesus nontewa' aha mamba mokiijo'.

SISIKON NU TO RASUL-RASUL 18:23

Salatan jinojoong i kiijo' tino pia-piamangamo na kinopinnyo, ia namba mule' nolenga tano' nu Galatia ka' Frigia da mompokododo kapalesaya'an anu totu-totu'u nu to mia-mian anu palesayamo.

SISIKON NU TO RASUL-RASUL 19:10

Ia saja' nombau han aijo' ingohua' na taun na ko pinnyo sampe iwi-iwi' na mian anu jojoong i Provinsi Asia, mau mian nu Yahudi, mau pe'e mian bansa sangga'at, iwi-iwi' mohongomo potatae nu Tumpu.

SISIKON NU TO RASUL-RASUL 20:16

I Paulus noko tantukanmo da madi'mo sonsoo' i Efesus, da boli mongide-idei tempo' i tano' nu Asia. De opoko-poko lamedi da malia-lia' toka na ia i Yerusalem i sinaa nu Lamean nu Pentakosta.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 20:4

I Sopatar anak i Pirus anu nolengkat mae i Berea namba nohingga-hinggat ia; sumo aitu mule' i Aristarkhus ka' i Sekundus mian nu Tesalonika, ka' i Gayus mian nu Derbe. Suele i Timotius, i Tikhikus, ka' i Trofimus, to mia-mian lengkat i Provinsi Asia.

SISIKON NU TO RASUL-RASUL 21:27

Salatan tempo'nyo ipitunmo na sinaa aijo' malia'mo pupus, to pia-piangkuka na mian nu Yahudi lengkat mae i Asia nontoa i Paulus i uno nu Laigan nu Tumpu. Lantas aha nonsale'imo mian da'isan, lapas aijo' nontoongimo i Paulus,

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

SISIKON NU TO RASUL-RASUL 8:29

Roh nu Tumpu notatae hi Filipus, “Lako'mo oha-ohani i kasake'an aijo'.”

ROMA 16:5

Potokakon suele na salan do'angku hi jama'at anu saja' toka sihuk i laigan nu aha. Salan do'a hi Epenetus anu ku kukalibosi. Iamo na mian anu momonanyo pinalesaya hi Kristus i da'erah nu Asia.

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 16:1

Uuka aiya mongkona doi anu kahanda' obee' miu pontulungi sangko sangalu mian Kristen, kupoto'i da aijo' obau miu pokakana sumo sonto' anu pinoto'ingkumo hi to jama-jama'at kiijo' mae i Galatia.

1 KORINTUS 16:19

To jama-jama'at i Asia mompotoka salan do'a nu aha hi komiu. I Akwila ka' i Priskila tiba Jama'at anu sinihuk i laigan nu aha suele nompakatu mae salan do'a daka-daka' salaku salan do'a nu mian Kristen.

2 KORINTUS 1:8

To Utu-utus! Pongka'oho' mami da osumbu' miu na kasusa'an anu ingoa'anmo mami i tano' nu Asia. Sansala anu sinumbu'mo mami aijo' talalo maboat na o'oa'i mami, sahingga kami madi'mo nontaha'imani daagi' tumuu';

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

2 TIMOTIUS 1:15

Nusumbu' saba' iwi-iwi' na mian i da'erah nu Asia nompala'imo aku, tibamo i Figelus ka' i Hermogenes.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,