SISIKON NU TO RASUL-RASUL 16:34 - KITAB NU TUMPU ALLA LELE MA'IMAI'

³⁴ Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

SISIKON NU TO RASUL-RASUL 16:34 ပူးပေါင်းရင်းမြစ်များ

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 19:6

I Zakheus lia-lia' nintau' ka' nontalima i Yesus, ka' ilame'mo.

LUKAS 5:29

Lapas aijo' i Lewi nombau bau-bauon i laigannyo molabot i Yesus. Da'isan na topo tage hasin ka' to mia-mian sangga'at mongkaan hingga-hinggat ka' aha.

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 16:35

Dodododopnyo daagi' subu-subu, to pangka-pangkat pamalentah nu Roma nonsai pulisi nokiijo' i talungku' da mompotokakon palentah, da i Paulus ka' i Silas o sabatakonmo.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

ROMA 5:2

Kalana kita palesaya hi Yesus, sahingga Ia nompotimbali kita moko ala mongoa'i liibos nu Tumpu, ka' kalana liibos aijo' kita tumuu' uuka aiya. Kalana aijo' kita lame' na kinyonyoa, kalana kita ko anu otaha'imani aijo'mo kita mongoa'ije tumuu' ma'ima' anu binee' nu Tumpu!

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.