SISIKON NU TO RASUL-RASUL 16:24 - KITAB NU TUMPU ALLA LELE MA'IMAI'

²⁴ Kalana palentah aijo', kapala nu talungku' aijo' nomposoopmo aha i kaman nu talungku' anu i uno-unonnyo hondo, ka' nompungu tengke nu aha i balak.

SISIKON NU TO RASUL-RASUL 16:24 ပူးပေါင်းရင်းမြစ်များ

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

AYUB 13:27

Tengkengku pinungumo nu Belento nu lante' besak, iwi-iwi' na ko langka-langkasku nujagai nu Belento. Ka mule' pala nu tengkengku, sabole-bole nutonto'i nu Belento.

AYUB 33:11

Ia nompungumo nu lante' i tengkengku; ka' pinotomatakonnyomo na aku kolangka-langkas.’

MAZMUR 105:18

Tengkenyo pinungumo nu lante' besak, gogohongnyo pino'olo'anmo lante' besak.

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 38:26

Anu opoto'i taalu' beleyum pagala mongkakase aku da aku madi' mokiboa beleyum minsusule' italungku' ka' silakamo kiijo' mae.”

YEREMIA 38:6

Lantas ingalamo nu aha na aku lantas pinungumo nu aha ka' inguluakonmo nu kahohon na aku i uno nu bubung, bubung aijo' anu i Malkia anak momo'ane i tomundo' anu kiijo' ipopasan nu laigan i tomundo'. Bubung aijo' madi'mo ko ueenyo, olamo henseknyo jadi aku ninsoopmo i hensek aijo'.