SISIKON NU TO RASUL-RASUL 16:20 - KITAB NU TUMPU ALLA LELE MA'IMAI'

²⁰ Aha nompopangadap i Paulus ka' i Silas hi to pangka-pangkat pamalentah nu Roma, lapas aijo' notatae, “To mia-mian aiya mian nu Yahudi. Aha nompotasibu'mo i kota'to.

SISIKON NU TO RASUL-RASUL 16:20 ပူးပေါင်းရင်းမြစ်များ

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

SISIKON NU TO RASUL-RASUL 16:19

Salatan anu pongalapannyo tambo tinolo sukapmo, saba' kasampatan nu aha da pohumpakan doi anu i madi'mo, aha nohakopmo i Paulus ka' i Silas, lantas i hela' ua-ua'aha nokiijo' i natan nu mian anu ko pangkatnyo.

SISIKON NU TO RASUL-RASUL 16:21

Aha nompoto'i mian mombau adat anu saja' o bau anu mompaha sala' tiba to atu-atulanto, to mia-mian nu Roma. Kita madi' timbali montalima kabai mombatuki adat anu saja' o bau aijo'!”

SISIKON NU TO RASUL-RASUL 18:2

I kiijo' ia nompahakabot tiba samian na Yahudi sanggonyo i Akwila, nolengkat mae i lipu' Pontus. I Akwila sala'je tinoka lengkat i Italia tiba bengkele'nyo i Priskila. Aha tinoka i Korintus kalana i Tomundo' Klaudius nonsaimo iwi-iwi' na mian nu Yahudi mosabatmo pala'imo na Roma. I Paulus namba nolenga aha ua-ua'aha,

SISIKON NU TO RASUL-RASUL 19:34

Panyo salatan aha nontoa taalu' ia mian nu Yahudi, nohingga-hinggat na aha noloboo' hoso-hoson, “Tumuu' na i Artemis, pilogot boune mian nu Efesus!”

SISIKON NU TO RASUL-RASUL 28:22

Panyo kami mongkahanda'i suele mohongo mongkona kapalesaya'an nu kita Utus, kalana kami iwi-iwi' nohongomo mian mompisala'i ajalan anu nubatuki nu kita Utus.”

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?