SISIKON NU TO RASUL-RASUL 16:17 - KITAB NU TUMPU ALLA LELE MA'IMAI'

¹⁷ Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 16:17 ပူးပေါင်းရင်းမြစ်များ

MAZMUR 57:2

Kalibosiakon mae na aku, o, Tumpu, kalibosiakon mae na aku, kalana olamo hi Belento na pihohunganku. I uno nu polipik nu Belento na bau paninsulukanku, de antong anu daka' hondo madi'mo tobung aku mosabatje.

MAZMUR 78:35

Aha tonginau'mo saba' Tumpu aijo'mo na nonjagai aha, ka' saba' Anu Matangkas na Kuasanyo aijo'mo na nomposalamat aha.

DANIEL 3:26

Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 4:2

Aku kahanda' monsisikakon anu okabangangi ka' mule' sa'angu' na kajadian anu ma'isa toho' jinadi anu binaumo nu Tumpu Anu Matangkas na Kuasanyo hi belengku.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

DANIEL 6:16

Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

YUNUS 1:9

Tinaaman i Yunus, “Aku mian nu Ibrani. Aku monsombah Tumpu, Tumpu anu kiita i suluga', anu nompojadi ambai tiba katano'an.”

MIKHA 6:6

Apaa na anu tionyo ahi' osombahkonto hi Tumpu, Tumpu kiita i suluga' de kita tokamo mae monsombah Ia? Pa' tionyo ahi' kita momboa sapi' bata'nyo anu ma'ima' hondo na osombahkon salaku koloban anu opotunu na obee' hi Ia?

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

MARKUS 1:24

“O Yesus, mian nu Nazaret, Beleyum mongka'oho' mombau apaa hi kami? Beleyum toka da monsilakai kami? Kusumbu' ihe na Beleyum: Beleyumo na posaihon anu Susi' lengkat mae hi Tumpu Allah!”

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

LUKAS 1:77

da mompoto'i hi mian anu palesayamo hi Ia tukoonyo aha oposalamatmo, de Tumpu mongampunimo iwi-iwi' na dosa' nu aha.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 20:21

Jadi to mia-mian anu pinonsuu' akonan aijo' notataemo hi Yesus, “Kita Tuumangku Gulu', osumbu' mami iwi-iwi' na anu tinaloakontomo nu Kita Tuuma ka' pinogulu'mo aijo' totu'u. Osumbu' mami mule' Kita Tuuma mompogulu' mana-manasa mongkona kahanda' nu Tumpu hi mian, kalana Kita Tuuma, madi' mompile'i mian.

LUKAS 4:34

“O Yesus, mian nu Nazaret, apaa na anu ka'oho' obaunto hi kami? Beleyum toka monsilakai kami? Kusumbu' ihe na beleyum; beleyum posaihon nu mian susi' lengkat mae hi Tumpu!”

LUKAS 4:41

To roh-roh ma'idek nosabat hi mian da'isan ka' naha loboo'an, “Memang Beleyum Anak nu Tumpu!” Panyo i Yesus nonsegai aha, madi' mompoloas aha motatae, kalana nusumbu' nu aha Iamo na Tomundo anu Momposalamat.

LUKAS 8:28

Salatan nontoa i Yesus, ia noloboo'mo, lantas tinolodadupumo i ahop i Yesus, ka' notatae daka-daka', “Yesus Anak nu Tumpu Anu Matangkas na Kuasanyo! Nu posiamo na aku aiya? Ku poita boli monsakisa aku!”

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

SISIKON NU TO RASUL-RASUL 18:26

Baani hondo na i Apolos nomulaimo notatae i laigan pogalejaan ka' tempo'nyo i Priskila ka' i Akwila nohongo pangajalannyo, aha nomboamo ia nokiijo' i laigannyo. I kiijo' mae aha nontalangkan hi ia lebe talaang mule' mongkona tanga'an nu Tumpu da momposalamat mian kalana i Yesus.

SISIKON NU TO RASUL-RASUL 19:13

Daagi' ko to pia-piangkuka na sando nu Yahudi anu namba iyaya mae, molaa' roh ma'idek hi to mia-mian. To sando-sando haha aijo' monsoba-soba suele mompake sanggo nu Tumpu Yesus da molaa' roh nu setan aijo'. Aha notatae hi roh-roh nu setan aijo', “Tiba sanggo i Yesus anu pinolele i Paulus aijo', aku molaa' komiu!”

1 PETRUS 2:16

Komiu tionyo ahi' tumuu' sumo mian anu bebas, panyo boli mompake kabebasan nu belemiu aijo' da bau pongkulubi anu ma'idek, panyo tumuu'mo ahi' susumo posaihon nu Tumpu.

2 PETRUS 2:2

Mau mule' sumo aijo', nanjoo'mo na mian nombatukimo jalan nu kantumuu'an nu to gulu-gulu' anu madi' totu'u aijo' anu kinuasanmo nu napisu nu aha. Ka' pakalaja'an nu to gulu-gulu' haha aijo' nonsaduakonmo da nanjoo'mo na mian nonjojoamo Jalan Anu Totu'u mamba hi Tumpu.