SISIKON NU TO RASUL-RASUL 16:15 - KITAB NU TUMPU ALLA LELE MA'IMAI'

¹⁵ I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 16:15 ပူးပေါင်းရင်းမြစ်များ

KAJADIAN 19:3

Pagala kinakase i Lot, sahingga ahennyo aha ninsoopmo tiba ia i uno nu laigannyo. I Lot nontoukaimo kaanon anu ma'ima' ka' nombaumo roti sinaimbanggan anu opalalui lantas kinaanmo nu aha.

KAJADIAN 33:11

Ku poita, talimamo na anu sinombahkonkumo, anu binoangkumo mae aiya. Kinanononganmo nu Tumpu Allah na aku ka' binee'an-Nyomo apa-apaa anu ku palalui.” I Yakub saja'mo nongkakase ahennyo i Esau nontalimamo anu binee'nyo aijo'.

2 TOMU-TOMUNDO' 4:8

I lipu' Sunem daagi' ko samian boune anu kaya. Daagi' kino sansinaan tempo'nyo i Elisa namba i Sunem, boune aijo' nolagamo i Elisa da mamba mongkaan hi ia. Mulai pe'e aitu de ia tokamo i Sunem, ia mamba mongkaan hi boune aijo'.

MATIUS 10:41

Mian anu montalima nabi, kalana ia nabi, tionyo mohumpak tamboo hi samian na nabi. Ka' ihe na montalima samian anu ma'ima' kalana ia ma'ima', tionyo mohumpak tamboo hi samian anu ma'ima'.

MATIUS 3:6

Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

LUKAS 14:23

Lantas Tuan aijo' notatae, ‘Lako' i jala-jalan daka' tiba i jala-jalan anu soki i sambiha' nu kota, ka' pagala mae osai na to mia-mian toka da laiganku mobuke'.

LUKAS 24:29

Panyo aha nontewa' Ia. “Jojoongmo i tampat mami,” koonyo nu aha hi Ia, “aiya malia'mo malom ka' mule' montampu'unimo pintung.” Sahingga i Yesus ninsoopmo sonso'mo male' i tampat nu aha.

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 16:31

Tinaaman i Paulus ka' i Silas, “Palesayamo hi Tumpu Yesus! Beleyum timbali salamat – beleyum ka' iwi-iwi' mian anu i laiganum!”

SISIKON NU TO RASUL-RASUL 16:33

Tempo'nyo tonga' pahu aijo' suele, kapala nu talungku' nomboa aha lantas nombaso'i bela nu aha haha aijo'. Sahingga ia ka' iwi-iwi' mian anu kiijo' i laigannyo lau-laus pinalamandikan.

SISIKON NU TO RASUL-RASUL 16:34

Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

SISIKON NU TO RASUL-RASUL 18:8

Panyo i Krispus anu mongkapalai laigan pogalejaan aijo' tiba iwi-iwi' na potoutusannyo pinalesayamo hi Tumpu Yesus. Ka' da'isan suele na to mia-mian nu Korintus sangga'atannyo nohongomo lele anu pinotokakon i Paulus, ka' aha pinalesayamo hi Yesus lantas pinalamandikanmo.

SISIKON NU TO RASUL-RASUL 8:12

Panyo i Filipus nompolele hi aha mongkona Lele Ma'ima', mosia na Tumpu mompalentah sumo Tomundo ka' mongkona i Yesus Kristus, Tomundo anu Momposalamat aijo'. Sahingga aha pinalesayamo i lele anu pinotokakon i Filipus, lantas aha pinalamandikanmo mau mian to momo'ane mau pe'e mian to bouboune.

SISIKON NU TO RASUL-RASUL 8:38

Lantas ia nompoto'i bendinyo aijo' belenti; lapas aijo' ua-ua'aha, i Filipus ka' anu ko pangkat matangkas aijo' nintau'mo nokiijo' i uee ka' i Filipus nompalamandikan ia.

ROMA 16:23

I Gayus nompakatu salan do'a hi komiu. Aku jinojoong i laigannyo tiba jama'at kami suele mogaleja i kiijo'. I Erastus, kapala nu anu mongulus doi kiijo' i kota, nompakatu salan do'anyo hi komiu. Sumo aitu mule' na Utusto i Kwartus. [

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

FILEMON 1:17

Mokonyo aijo', kalana kita Utus monganggapmo aku sangalu sangko kita Kristen, po'ule'mo talimakon na i Onesimus pokakana sumo kita Utus montalima aku.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.

2 YOHANES 1:10

Kalana aijo' de daagi' ko mian toka ka' mompolele hi belemiu pangajalan anu madi' ingajanakon i Kristus, boli montalima mian aijo' i laigan miu kabai monsalan do'ai ia.

3 YOHANES 1:5

Kita utus! Kita utus saja'mo nombau pakalaja'an anu binaumo nu kita utus kona hi to sanga-sangalu sangko mian Kristen; ka' hi mian Kristen anu ma'isa pe'e mompahasumbu' tiba kita utus, kita utus montoa kapalaluan nu aha.

3 YOHANES 1:8

Kalana aijo', kita to mia-mian Kristen tionyo ahi' montulungi to sanga-sangalu sangko mau Kristen anu sumo aijo', da kita timbali hingga-hinggat i usaha nu aha mompolele pangajalan anu totu'u lengkat mae hi Tumpu.

1 SAMUEL 28:23

I Saul madi' nontuluti ka' notatae tukoonyo, ia madi'mo mongka oho' mongkaan. Panyo salatan suele to mia-mian anu ko pangkatnyo sabole-bolemo nongkakaase ia; tinulutannyomo ahi'. Ia tinuminjomo ka' sinumuhangmo i sambale.