SISIKON NU TO RASUL-RASUL 15:8 - KITAB NU TUMPU ALLA LELE MA'IMAI'

⁸ Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

SISIKON NU TO RASUL-RASUL 15:8 ပူးပေါင်းရင်းမြစ်များ

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 20:12

Panyo O Tumpu Anu Balakuasa, adin hondo na Belento nonguji'mo manusia; sinumbu'mo nu Belento na kinyonyoa tiba pikilan nu aha. Kalana aijo' situjui mae na aku montoa Belento mombalosakon palabuatan ma'idek nu sampobali' kalana hi Belentomo na ponsimpalakonankumo palakalangku.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 5:37

Ka' Tuuma anu nonsai mae Aku, suele mombee'imo katalangan mongkona Aku. Komiu ma'isa toho' nohongo potatae-Nyo kabai nontoa butong-Nyo.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 10:47

“Soba toa, to mia-mian aiya nohumpakmo Roh nu Tumpu sumo kita. Jadi moko ala na mian montewa' aha o palamandikan nu uee?”

SISIKON NU TO RASUL-RASUL 14:3

Kalana aijo' i Paulus ka' i Barnabas jinojoongmo pinin i kiijo'. Ka' binaanimo na aha notatae mongkona Tumpu. Sahingga Tumpu mule' nompotoamo bukuti', saba' lele anu pinotokamo nu aha mongkona liibos-Nyo aijo' memang totu'u; Ia nombee'i kuasa hi aha da mombau anu okabangangi ka' hahan anu ma'isa toho' tinimbali.

SISIKON NU TO RASUL-RASUL 15:28

Roh nu Tumpu nonsetujuimo – ka' kami mule' suele setujumo – da komiu boli opokonai poitaon anu talalo maboat, molingkuduimo poitaon anu saimbanggan aiya:

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”