SISIKON NU TO RASUL-RASUL 15:23 - KITAB NU TUMPU ALLA LELE MA'IMAI'

²³ Hingga-hinggat tiba anu sinai aijo', aha mule' nompakatumo sa'angu' na sulat anu onyi'nyo sumo uuka, “Toka hi iwi-iwi' na to utu-utus anu nolengkat mae i to bansa-bansa sangga'at anu misa' Yahudi, anu jojoong i Antiokhia, i Siria ka' i Kilikia. Salan do'a mami, to rasul-rasul, ka' to pola-polaya', aijo'mo to utu-utus miu.

SISIKON NU TO RASUL-RASUL 15:23 ပူးပေါင်းရင်းမြစ်များ

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 15:1

To pia-piangkuka na mian lengkat i Yudea tinoka kiijo' mae i Antiokhia ka' nongajan to mia-mian palesaya i Antiokhia aijo' tukoonyo de aha madi' o sunat susumo atulan i Musa, aha madi' timbali o posalamat.

SISIKON NU TO RASUL-RASUL 15:2

I Paulus ka' i Barnabas talalo hondo nonggagakon pongka'oho' nu to mia-mian aijo'. Ahennyo tinantukan da i Paulus ka' i Barnabas tiba to pia-piangkuka na mian sangga'at lengkat i Antiokhia mamba mokiijo' i Yerusalem da mombisalakon ulusan aijo' tiba to rasul-rasul ka' to pola-polaya' i kiijo' mae.

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 15:4

Salatan aha tinoka i Yerusalem, aha pinolabot ma'i-ma'ima' nu jama'at, ka' to rasul-rasul, tiba to pola-polaya'. Lantas aha nonsisikakon hi to mia-mian aijo' apaa na anu pinoto'imo nu Tumpu Allah iwi-iwi' aijo' hi aha.

SISIKON NU TO RASUL-RASUL 15:41

Aha nontikubi Siria ka' Kilikia; i kiijo' mae aha nompokododomo to jama-jama'at.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

SISIKON NU TO RASUL-RASUL 21:25

Panyo mongkona misa' mian nu Yahudi anu pinalesayamo hi Yesus, kami mompakatumo sulat hi aha mongkona kaputusan mami saba' aha madi' timbali mongkaan kaanon anu sinombahkonmo hi pilogot, madi' timbali mongkaan baso' kabai mongkaan binatang anu mate tinekok; ka' madi' timbali mombau to kala-kalakuan anu ma'idek.”

SISIKON NU TO RASUL-RASUL 21:3

ka' tinalabutmo sampe kami nontoa togong Siprus i sasu kowi mami; panyo kami tinalabutmo lau-laus nompatui Siria. Kami i lumajang tano' nokiijo' i Tirus, kalana i kiijo' kapan anu kinasake'an mami mae aijo' daagi' molobosakon anu sinake'nyo mae.

SISIKON NU TO RASUL-RASUL 23:26

“Anu opopodaka' Gubernur Feliks. Salan do'a lengkat hi Klaudius Lisias!

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

GALATIA 1:21

Lapas aitu aku nambamo nokiijo' i to da'e-da'erah i Siria ka' i Kilikia.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.

2 YOHANES 1:10

Kalana aijo' de daagi' ko mian toka ka' mompolele hi belemiu pangajalan anu madi' ingajanakon i Kristus, boli montalima mian aijo' i laigan miu kabai monsalan do'ai ia.

2 YOHANES 1:13

To ana-anak nu utus boune nu kita Pontina'on anu suele pinile'anmo nu Tumpu nompakatu mae salan do'a toka hi kita Pontina'on.

2 YOHANES 1:3

O'amalakon da kita nu bee'i mae balakat, ka' ka'ima'an nu Tumpu Tuuma, ka' i Yesus Kristus Anak nu Tuuma aijo'. O'amalakon da iwi-iwi' aijo' saja' daagi' aiya hi kita ka' mule' kinyonyoanto hodi' ka' ko kalibosan.

3 YOHANES 1:14

Kalana ku tutugi madi'mo pin po'ule'mo singkabot tiba komiu, ka' kita lewa'je basisik.