SISIKON NU TO RASUL-RASUL 15:22 - KITAB NU TUMPU ALLA LELE MA'IMAI'

²² To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 15:22 ပူးပေါင်းရင်းမြစ်များ

2 SAMUEL 3:36

Nohongo aijo' mian da'isan sinanangmo. Memang maumo pa' apaa na nu bau i Tomundo' Daud saja' momposanang kinyonyoa nu aha.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

SISIKON NU TO RASUL-RASUL 1:23

Sahingga to mia-mian anu tinoka i kiijo' nompoto'i ua'aha na mian aitumo, i Yusuf anu osanggohi mule' i Barsabas (ia osanggohi mule' i Yustus), ka' i Matias.

SISIKON NU TO RASUL-RASUL 11:19

Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 11:22

To sisi-sisik mongkona kajadian-kajadian aiya tinoka tokamo suele hi jama'at i Yerusalem. Sahingga aha nonsaimo i Barnabas mokiijo' i Antiokhia.

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 15:23

Hingga-hinggat tiba anu sinai aijo', aha mule' nompakatumo sa'angu' na sulat anu onyi'nyo sumo uuka, “Toka hi iwi-iwi' na to utu-utus anu nolengkat mae i to bansa-bansa sangga'at anu misa' Yahudi, anu jojoong i Antiokhia, i Siria ka' i Kilikia. Salan do'a mami, to rasul-rasul, ka' to pola-polaya', aijo'mo to utu-utus miu.

SISIKON NU TO RASUL-RASUL 15:25

Mokonyo aijo' kami binasale'mo ka' iwi-iwi' nonsetujuimo da mompile'i to pia-piangkuka na mian ka' nonsai aha mamba hi komiu. Aha mambaje mojajaalan tiba Utusto i Barnabas ka' i Paulus anu okalibosi kami.

SISIKON NU TO RASUL-RASUL 15:27

Jadi, kami monsai i Yudas ka' i Silas mamba hi to Utu-utus. Posi ahamo na mompotokakon lele hi komiu anu suele tinulis i uno nu sulat aiya.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 15:30

Salatan siniloloamo, aha anu sinai aijo' nambamo nokiijo' i Antiokhia. I kiijo' mae aha nolagamo iwi-iwi' na mian anu ninsoopmo i jama'at binala gombu lantas nompotokakon sulat aijo'.

SISIKON NU TO RASUL-RASUL 15:32

I Yudas ka' i Silas anu suele nabi, pinin na notatae tiba to Utu-utus anu palesayamo kiijo' i Antiokhia kalana mongkakeha'i da baani na aha.

SISIKON NU TO RASUL-RASUL 15:40

I Paulus nompile'imo i Silas lantas nambamo tiba ia, noko lapas na to Utu-utus anu i Antiokhia aijo' nompotalima aha i balakat nu Tumpu.

SISIKON NU TO RASUL-RASUL 16:19

Salatan anu pongalapannyo tambo tinolo sukapmo, saba' kasampatan nu aha da pohumpakan doi anu i madi'mo, aha nohakopmo i Paulus ka' i Silas, lantas i hela' ua-ua'aha nokiijo' i natan nu mian anu ko pangkatnyo.

SISIKON NU TO RASUL-RASUL 16:25

Kila-kila tonga' pahu, i Paulus ka' i Silas hau-haunyo balado'a ka' nonyanyi mompuji-puji' Tumpu. To mia-mian nu talungku' sangga'at hau-haunyo mompotombihing aha manyanyi.

SISIKON NU TO RASUL-RASUL 16:29

Kapala nu talungku' aiya nompoita sulu' lantas nopadeka' i unonyo, ka' i lakatnyomo na ia dinumaladupu i ahop hi Paulus ka' hi Silas.

SISIKON NU TO RASUL-RASUL 17:10

Pihi-pihi aitu to mia-mian palesaya i kota aijo' nompokaumo i Paulus ka' i Silas namba nokiijo' i Berea. Sinaintoka i kiijo', mae i Paulus ka' i Silas nambamo i laigan pogalejaan nu Yahudi.

SISIKON NU TO RASUL-RASUL 17:14

Lia-lia' na to utu-utus i Berea aijo' nomboa i Paulus nokiijo' i biwi nu bone', panyo i Silas ka' i Timotius tataap jinojoongmo i kota aijo'.

SISIKON NU TO RASUL-RASUL 17:4

To pia-piangkuka na mian pinalesayamo lantas mombatukimo i Paulus ka' i Silas; sumo aitu mule' manjoo' hondo na to mia-mian Yunani anu mabuhuk hi Tumpu, ka' da'isan suele na to bouboune anu talasanggo.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 8:14

To Rasul-rasul i Yerusalem nohongo tukoonyo nu aha to mia-mian nu Samaria nontalimamo potatae nu Tumpu. Kalana aijo' aha nonsai i Petrus ka' i Yohanes namba nokiijo'.

2 KORINTUS 1:19

Kalana i Yesus Kristus, Anak nu Tumpu, anu pinolele i Silas, i Timotius, hi belemiu; ka' tiba aku, misa' mian “Ii'” ka' “Madi'”. Panyo ola ahi' Ia susumo pinontaami “Ii'” lengkat mae hi Tumpu.

1 TESALONIKA 1:1

To utu-utus jama'at nu Tesalonika, anu pinalesayamo hi Tumpu Allah Tuuma ka' Tumpu Yesus Kristus: Kami, aiya i Paulus, i Silas ka' i Timotius, montaha'imani ka' mongamalakon da Tumpu mombee'i balakat tiba ka'ima'an hi komiu.

2 TESALONIKA 1:1

To Utu-utus jama'at i Tesalonika, anu tinimbalimo mian anu pinalesayamo hi Tumpu Tuumanto ka' hi Tumpu Yesus Kristus! Kami, aitumo i Paulus, i Silas ka' i Timotius

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.