SISIKON NU TO RASUL-RASUL 15:20 - KITAB NU TUMPU ALLA LELE MA'IMAI'

²⁰ Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 15:20 ပူးပေါင်းရင်းမြစ်များ

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

KAJADIAN 9:4

Anu madi' timbali okaan nu beleyum aijo'mo ponoha' anu daagi' ko baso'nyo, kalana santuu'nyo kiijo' i uno nu baso'.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

YEHEZKIEL 4:14

Panyo tinaamankumo, “Ebeh Tumpu Anu Matangkas Na Kuasanyo! Daagi' pe'e ise-ise' sampe tempo uuka aiya na aku ma'isa toho' nohumimi'i butongku pa' nongkaanmo binatang anu nosipate kabai tuha' nu anu kinaanmo nu binatang anu mahangas Ma'isa toho' aku nongkaan kaanon anu o'anggap madi' toho' okaan.”

DANIEL 1:8

Kalana tinulunganmo nu Tumpu, i Daniel nu kanonongi ka' nu kalibosi i Aspenas. I Daniel madi' hondo mongka'oho' ohumimi'i na butongnyo nu anu okaan ka' monginum anggur i laigan nu tomundo' kalana aijo' ia nomoitamo hi Aspenas da timbali mohumpak kaanon sangga'at.

IMAMAT 18:6

Tumpu nombee'imo atulan haha aiya. Boli moduhus tiba sala' samian na poto utusan mae nu belemiu.

IMAMAT 19:26

Boli mongkaan baso'. Boli mompake pangatahuan.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

SISIKON NU TO RASUL-RASUL 21:25

Panyo mongkona misa' mian nu Yahudi anu pinalesayamo hi Yesus, kami mompakatumo sulat hi aha mongkona kaputusan mami saba' aha madi' timbali mongkaan kaanon anu sinombahkonmo hi pilogot, madi' timbali mongkaan baso' kabai mongkaan binatang anu mate tinekok; ka' madi' timbali mombau to kala-kalakuan anu ma'idek.”

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

1 KORINTUS 7:2

Panyo da madi' tagoda mombau hahan anu madi' patut, lebe ma'ima' to momo'ane daagi' ko posi bengkele'nyo, ka' to bouboune daagi' ko posi langkai'nyo.

1 KORINTUS 8:1

Uuka aiya mongkona anu okaan anu obee' salaku osombahkon hi pilogot. Memang totu'u sumo anu tinaloakonmo nu mian, “Kita iwi-iwi' pinandemo.” Panyo kapandean monsaduakon mian da kobubuun, panyo kalibosan mombau da mian timbali ma'ima'.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

GALATIA 5:19

Anu nu kahanda'i nu sipat nu manusia onyata' i palabuatan masala', pahengas ka' madi' halus obau;

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

PO'ULE' INGULIT 12:16

Ola baso'nyo na madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

PO'ULE' INGULIT 15:23

Baso'nyo madi' timbali okaan, panyo tionyo ahi' obubusakon i tano' susumo uee.”

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TESALONIKA 4:3

Aiyamo na kahanda' nu Tumpu: Da komiu tumuu' samata-mata hi Ia, susi' mati kojo'on hi iwi-iwi' palabuatan masala'.

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

1 PETRUS 4:3

Tempo' anu i hikuhakonmo, sampemo na kinopinnyo na belemiu nombaumo anu nuka'ima'i nubau nu to mia-mian anu madi' monsumbu' Tumpu. Komiu tumuu' madi' ma'ima'. Komiu montuluti napisu, lewa' malangu, mompopodaka' bau-bauon, lewa' batawa' ka' monsombah pilogot tiba jalan mombau anu o kahenyui.

ANU PINOTO'I HI YOHANES 10:2

I limanyo daagi' ko sa'angu' na lulunan nu kitab ise' anu tinabuka'mo. Tengkenyo koanan peja-peja' i ambai, ka' tengkenyo kowi peja-peja' i katano'an.

ANU PINOTO'I HI YOHANES 10:8

Lapas aijo' potatae anu i hongongku lengkat mae i suluga' aijo', notatae mule' hi belengku. Ia notatae, “Lako'mo ala na lulunan nu kitab anu tinabuka'mo i lima nu malaikat anu peja-peja' i ambai ka' i katano'an aijo'.”

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.

ANU PINOTO'I HI YOHANES 2:20

Panyo aiya na Ku poto'i hi belemiu: Belemiu nongkanonongimo i Izebel, boune anu mongakui butongnyo pokauhon nu Tumpu aijo'. Manjoo'mo na to posa-posaihon-Ku anu ingakalannyomo ka' ingajannyo da masala', da mongkaan kaanon anu sinombahkonmo hi pilogot.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.

1 SAMUEL 14:32

Sahingga aha toto samian nongalamo to langke-langke anu i humpak hi sampo bali', aha nongalamo domba, ka' sapi' lantas kinolotnyomo i tampat aijo' suele, ka' kinaanmo nu aha na antoknyo anu daagi kobaso'nyo.

1 SAMUEL 14:33

Lantas pinoto'imo hi Saul sumo uuka, “Kita Tomundo', mian da'isan binaladosa'mo hi Tumpu kalana nongkaanmo antok nu binatang anu daagi' kobaso'nyo.” “Belemiu nambaumo anu madi' nu ka'i ma'i nu Tumpu!” sumo aijo' na iloboo'akon i Saul. “Lingginakon mae na batu mo uuka anu daka'.”