SISIKON NU TO RASUL-RASUL 15:18 - KITAB NU TUMPU ALLA LELE MA'IMAI'

¹⁸ Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

SISIKON NU TO RASUL-RASUL 15:18 ပူးပေါင်းရင်းမြစ်များ

YESAYA 44:7

Ihe na anu sumo Aku? Pokau na ia da mangakumo! Sahanyo ia mompoto'imo mae ka' mompobukuti mae hi beleng-Ku! Ihe na nongkila-kilamo apaa na anu jadi aiya mae i, ahop salatanmo pe'e momonanyo sampe toka imihinyo mae?

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

AMOS 9:12

Mian nu Israel mongkuasaimo lipu' nu Edom anu daagi' tuha'nyo ka' iwi-iwi' na bansa anu u'utu mae Aku na tumpunyo. Aku, Tumpu na notatae ka' Aku na mombau han aijo'.”

ZAKHARIA 14:7

I sinaa aijo' madi'mo daagi' ko pikatnyo. Sinaa tataapmo majingka mau tempo'nyomo nu pihi. Panyo ola ahi' Tumpu na monsumbu' pa' hi pian na sinaa aijo' to kamo mae.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

MATIUS 13:35

Salatan sumo aijo' tinimbalimo na anu tinaloakon nu nabi, “Aku mompake kantuang de motatae tiba aha: Aku mompoto'ije hahan anu sulu-suluk daagi' pe'e u'utu mae jinadi na dunia aiya.”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

EFESUS 3:9

ka' mule' da montului aku iwi-iwi' na mian monsumbu' mosia na Tumpu, anu Nompotimbalimo dunia aiya mombaumo tanga'an-Nyo anu daagi' pe'e daulu' kalam pinohowinimo i dunia aiya.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

1 PETRUS 1:20

I Kristus pinile'anmo nu Tumpu ma'isa pe'e dunia aiya pinotimbali. Ka' i sinaa aiya tempo' nu mongahopimo kakiamatan, Ia tinokamo i dunia da belemiu oposalamat.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.