SISIKON NU TO RASUL-RASUL 15:10 - KITAB NU TUMPU ALLA LELE MA'IMAI'

¹⁰ Yoh, apaa na sababnyo komiu mongkahanda'i mongewa Tumpu Allah tempo' uuka, kalana nombee'imo kalaja anu o bau ka' anu maboat hi anu saja' mombatuki aiya, padahan mompolee'to ka' posi kita mule' madi' moko ala mombau?

SISIKON NU TO RASUL-RASUL 15:10 ပူးပေါင်းရင်းမြစ်များ

NOSABATMO 17:2

Lantas aha nososonmo hi Musa ka' notatae, “Bee'i mae na kami uee anu o inum.” Tinaaman i Musa, “Kadaka' komiu nososonmo ka' monsobaimo Tumpu?”

YESAYA 7:12

Tinaaman i Ahas, “Aku madi' mongka'oho' momoita tanda. Aku madi' mongka'oho' monsobai Tumpu.”

MATIUS 23:4

Aha montuntut hahan anu mahan, ka' mombee'i to atu-atulan anu maboat, panyo sangkiding pe'e aha madi' montulungi mian anu monjalanakon.

MATIUS 4:7

I Yesus nontaami, “Panyo i uno nu Kitab nu Tumpu tinulis mule', ‘Boli beleyum monsobai Tumpuum.’ ”

SISIKON NU TO RASUL-RASUL 5:9

Lantas i Petrus notatae hi ia, “Kadaka' beleyum ka' langkai'um mosa'angu' monsobai Roh nu Tumpu? Hongo pe'e! To mia-mian anu nolamun langkai'um ninsusule'mo. Aha momboaje suele beleyum mosabat.”

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

IBRANI 3:9

‘Kiijo' mae mompolee' miu nonsobaimo Aku, ka' nonguji'mo Aku’, na koo-Nyo nu Tumpu, ‘padahan aha nontoamo anu binaung-Ku patompulu' na taun na kinopinnyo.’

IBRANI 9:9

Aiya mongibalatakon tempo' uuka; alati'nyo saba' anu sola osombahkon ka' kolobaan binatang haha aijo' anu osombahkon hi Tumpu, madi' moko ala mompokopiani kinyonyoa nu mian anu momboa mae anu osombahkon.