SISIKON NU TO RASUL-RASUL 15:1 - KITAB NU TUMPU ALLA LELE MA'IMAI'

¹ To pia-piangkuka na mian lengkat i Yudea tinoka kiijo' mae i Antiokhia ka' nongajan to mia-mian palesaya i Antiokhia aijo' tukoonyo de aha madi' o sunat susumo atulan i Musa, aha madi' timbali o posalamat.

SISIKON NU TO RASUL-RASUL 15:1 ပူးပေါင်းရင်းမြစ်များ

IMAMAT 12:3

I sinaa ko ialunnyomo anaknyo aijo' tionyo ahi' o sunatmo.

YOHANES 7:22

I Musa nombee'i komiu atulan da o sunat – mau mule' sunat aijo' sabenannyo misa' nolengkat mae hi Musa, panyo lengkat mae hi to tutuuma nu nompolee' ma'isa pe'e kino i Musanyo. Kalana aijo', mau mule' i sinaa nu Sabat komiu mongka'oho' monsunat mian.

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 15:23

Hingga-hinggat tiba anu sinai aijo', aha mule' nompakatumo sa'angu' na sulat anu onyi'nyo sumo uuka, “Toka hi iwi-iwi' na to utu-utus anu nolengkat mae i to bansa-bansa sangga'at anu misa' Yahudi, anu jojoong i Antiokhia, i Siria ka' i Kilikia. Salan do'a mami, to rasul-rasul, ka' to pola-polaya', aijo'mo to utu-utus miu.

SISIKON NU TO RASUL-RASUL 15:24

Kami nohongo daagi' ko to pia-piangkuka na mian lengkat aiya hi kami anu nambamo hi komiu ka' nompotasiaga tiba nompobingungmo komiu nu to panga-pangajalan nu aha. Padahan kami madi' nonsai aha mombau aijo'.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 15:32

I Yudas ka' i Silas anu suele nabi, pinin na notatae tiba to Utu-utus anu palesayamo kiijo' i Antiokhia kalana mongkakeha'i da baani na aha.

SISIKON NU TO RASUL-RASUL 15:5

Panyo to pia-piangkuka na mian lengkat hi aha Farisi anu pinalesayamo, tinuminjo ka' notatae, “To mia-mian bansa sangga'at anu pinalesayamo aijo' tionyo o sunat ka' palalu mombatuki atulan i Musa.”

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 6:14

Kami nohongomo i Stefanus notatae, tukoonyo i Yesus anu lengkat mae i Nazaret aijo' montua'akonmo Laigan nu Tumpu aiya, lantas mombali'i iwi-iwi' adat kabiasa'an anu pinotokakonmo i Musa hi kita!”

GALATIA 2:1

Ilapas sampulu' ka' opat na taun, aku ninsusule'mo nokiijo' i Yerusalem tiba i Barnabas, ka' nomboa suele i Titus.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

GALATIA 6:12

To mia-mian anu mongka'oho' mosi puji' butongnyo i hahan nu dunia, ahamo na mompagala mompakisa komiu da mombatuki atulan nu sunat. Panyo aha mombau sumo aijo' ola da aha madi' osakisa nu mian Yahudi kalana salib i Kristus.

KOLOSE 2:16

Mokonyo aijo' boli mompojohok mian mompisala'i komiu mongkona kaanon kabai inumon, kabai mongkona sinaa daka' nu agama, kabai molame'akon bitu'on bu'ou, kabai mongkona sinaa nu Sabat.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.