SISIKON NU TO RASUL-RASUL 14:21 - KITAB NU TUMPU ALLA LELE MA'IMAI'

²¹ Kiijo' i Derbe, i Paulus ka' i Barnabas nompolele Lele Ma'ima' aijo' ka' dina'isan na mian anu pinalesayamo hi Yesus. Lapas aijo' aha ninsusule'mo nokiijo' i Listra, lapas aitu nokiijo' i Ikonium, lantas nokiijo' i Antiokhia i da'erah Pisidia.

SISIKON NU TO RASUL-RASUL 14:21 ပူးပေါင်းရင်းမြစ်များ

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

SISIKON NU TO RASUL-RASUL 13:14

Lengkat i Perga, aha nolausakonmo lumambanan nokiijo' i Antiokhia i Pisidia, lapas aitu i sinaa nu Sabat aha nambamo sinumuhang i uno nu laigan pogalejaan.

SISIKON NU TO RASUL-RASUL 13:51

Sahingga to rasul-rasul aijo' nonsapuimo abu' i tengke nu aha, i ahop nu to mia-mian aijo' bau tanda, lantas nambamo nokiijo' i Ikonium.

SISIKON NU TO RASUL-RASUL 14:1

I Paulus ka' i Barnabas nongoa'i mule' han anu pokakana i Ikonium. Aha namba mule' nokiijo' i laigan pogalejaan nu mian Yahudi ka' notatae i kiijo' na'ima' hondo sahingga da'isan na mian nu Yahudi ka' mian misa' Yahudi pinalesayamo hi Yesus.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 14:26

Lengkat i kiijo' aha po'ule'mo tinalabut ninsusule' nokiijo' i Antiokhia. Aijo'mo na kota tampat nu aha u'utu mae pinotalima hi balakat nu Tumpu, da aha mongkalajakon pakalaja'an anu uuka aiya pinoko kalajamo nu aha.

SISIKON NU TO RASUL-RASUL 14:6

Panyo to rasul-rasul aijo' nonsumbu'mo han aijo', lantas nalaimo nokiijo' i Listra ka' i Derbe, aijo'mo to kota-kota i Likaonia, ka' nokiijo'mo i da'erah anu mompaha ohani.

SISIKON NU TO RASUL-RASUL 14:7

I kiijo' mae aha nompolele mule' Lele Ma'ima' aijo'.

SISIKON NU TO RASUL-RASUL 14:8

I Listra daagi' ko samian na mo'ane anu tengkenyo kapi' salatan pe'e i hampe, sahingga ia madi' toho' moko ala lumajang, sabab tengkenyo talalo lundeng.

SISIKON NU TO RASUL-RASUL 15:36

Madi' pinin lapas aitu, i Paulus notataemo hi Barnabas, “Imbo' da kita po'ule' minsusule' mamba molenga to utu-utus anu pinalesayamo hi Yesus i songko-songko na kota anu pinompolelekantomo potatae nu Tumpu; da otoanto mosia na bau-baunyo nu aha.”

SISIKON NU TO RASUL-RASUL 16:2

Anu i kiijo' to mia-mian anu palesayamo anu jojoong i Listra ka' i Ikonium, i Timotius tinalasangmo, mian anu ma'ima'.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.