SISIKON NU TO RASUL-RASUL 14:15 - KITAB NU TUMPU ALLA LELE MA'IMAI'

¹⁵ “Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 14:15 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 41:16

Tinaaman i Yusuf, “misa' aku Tuanku, panyo Tumpu Allah na montili'i anu sahondo-hondonyo.”

1 TOMU-TOMUNDO' 16:13

I Baesa tiba i Ela, anaknyo nonsombahmo to pilo-pilogot ka' mule' nonsaduakonmo mian nu Israel nombaumo dosa'. Kalana aijo' aha nonsaduakonmo da Tumpu nontambuha', Tumpu Allah na anu tionyo o sombah nu mian Israel.

1 TOMU-TOMUNDO' 16:26

Pokakana susumo i Yerobeam i Omri suele binaladosa'mo ka' nonsaduakonmo mian nu Israel binaladosa'mo ka' nonsombahmo pilogot. Kalana aijo' aha nonsaduakonmo sahingga Tumpu notambuha'mo. Tumpu Allah na anu tionyo ahi' osombah nu mian Israel.

2 TOMU-TOMUNDO' 19:16

Tumpu palahatikan mae apaa na anu hau-haunyo jinadimo aiya hi kami. Hongoakon mae na i Sanherib nompopoambangmo belento Tumpu Allah anu tumuu'.

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

MAZMUR 115:15

O' amalakon da belemiu nubalakati nu Tumpu anu nompotimbali langit ka' tano'!

MAZMUR 124:8

Anu nontulungi mae kita Tumpu, anu nompotimbalimo langit ka' tano'.

MAZMUR 31:6

Ilimamo nu Belento na pongasanakonanku butongku aiya: Belento mompobebasmo aku, o Tumpu, Tumpu anu manonong.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

NOSABATMO 20:11

I uno nu tempo' anu anom sinaa Aku, Tumpu, nompotimbalimo tano', langit, ambai ka' iwi-iwi' na anu jojoong i unonyo, panyo i sinaa ko iptunnyo Aku nilawemo. Mokonyo aijo' Aku, Tumpu, nombalakatimo sinaa nu Sabat ka' ingalang-Kumo bau baging-Ku.

YESAYA 45:18

Tumpu na nompotimbali langit, Lamo ia Tumpu! Lamo ia nompotimbali ka' mule' nontali' dunia aiya, binaumo hoso-hoson ka' tataap satinjonyo. Ia madi' nompotimbali tampat anu liing hondo, panyo tampat da bau kajojoongan. Lamo ia notatae, “Akumo na Tumpu ka' madi'mo kosangga'atannyo.

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 46:7

Patong aijo' pinaku'mo ka' pino una'mo itampatnyo, ia tuminjo'mo ikiijo' ka' madi' ahi' moko ala molalin. De mian tokamae balado'a hi ia, ia madi' montaami, ka' madi' ahi' momposalamat mian aijo' da madi'mo susa'.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

YEREMIA 51:15

Tumpu nompotimbalimo tano' nu kuasa-Nyo, ka' nontali'mo dunia nu Kapandean-Nyo ka' nongkokamo langit nu pikilan-Nyo.

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

SISIKON NU TO RASUL-RASUL 10:26

Panyo i Petrus nontulungi ia tinuminjo, lantas notatae, “Pobulamo! Aku pe'e suele ahi' mian.”

SISIKON NU TO RASUL-RASUL 13:32

Jadi, uuka aiya kami mompotokakon Lele Ma'ima' aijo' hi komiu: Apaa na anu jinanji'akonmo nu Tumpu hi mompolee'to,

SISIKON NU TO RASUL-RASUL 14:21

Kiijo' i Derbe, i Paulus ka' i Barnabas nompolele Lele Ma'ima' aijo' ka' dina'isan na mian anu pinalesayamo hi Yesus. Lapas aijo' aha ninsusule'mo nokiijo' i Listra, lapas aitu nokiijo' i Ikonium, lantas nokiijo' i Antiokhia i da'erah Pisidia.

SISIKON NU TO RASUL-RASUL 14:7

I kiijo' mae aha nompolele mule' Lele Ma'ima' aijo'.

SISIKON NU TO RASUL-RASUL 16:30

Lapas aitu ia nomboa aha nosabat ka' notatae, “To Tuan-tuan, apaa na anu tionyo ku bau da aku o posalamat?”

SISIKON NU TO RASUL-RASUL 27:10

“To Utu-utus, de pongka'oho'ku, daagi'mo ko bahayanyo de kita talabut lau-laus. Kita mongoa'imo kalugi'an manjoo', misa' ola anu sinake'to ka' kapanto, panyo butongto pe'e suele silakamo.”

SISIKON NU TO RASUL-RASUL 27:21

Tino pia-piangkuka nako pinnyo mian haha aijo' madi'mo nongkaan. Sahingga i Paulus namba tinuminjo i totonga' nu aha lantas notatae, “To Utu-utus! De komiu nombatukimo pokinde'ku ka' madi' tinalabut lengkat i Kreta, kita madi' nongoa'i iwi-iwi' anu ma'idek ka' kalugi'an sumo aiya.

SISIKON NU TO RASUL-RASUL 27:25

Mokonyo aijo' to Utu-utus, opohoson na kinyonyoa nu to Utu-utus! Kalana ku palesaya na Tumpu, sabab iwi-iwi' tionyo timbali sumo anu tinaloakon-Nyomo hi belengku.

SISIKON NU TO RASUL-RASUL 4:24

Salatan i hongo nu to sanga-sangalu nu aha aijo', aha hingga-hinggat nomposa'angu'mo kinyonyoa binalado'a hi Tumpu. Aha notatae, “Tumpu, Kitamo na nompotimbali langit ka' tano', ambai ka' iwi-iwi' na isinyo.

SISIKON NU TO RASUL-RASUL 7:26

Dodododopnyo ia nontoa mule' ua'aha na mian nu Israel mahantuda', lantas ia binala usaha nompodame aha. Ia notatae, ‘Komiu aiya moto utus. Kadaka' komiu mahantuda'?’

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

YAKOBUS 5:17

I Elia pokakana mian sumo kita. Ia binalado'a totu-totu'u da ujan boli tudun, sahingga ujan madi' tinudun tinotolu' ka' inintonga' na taun na kinopinnyo.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 19:19

Lapas aitu aku nontoamo binatang aijo', ka' to tomu-tomundo i dunia, ka' to sulu-suludadu nu aha nosa'angu'mo da montumbuhimo ka' mongewamo Ia anu nonsake'i ajahan mopute' aijo' ka' suludadu-Nyo.

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.