SISIKON NU TO RASUL-RASUL 14:14 - KITAB NU TUMPU ALLA LELE MA'IMAI'

¹⁴ Salatan i Barnabas ka' i Paulus nohongomo apaa na anu ka' oho' obau nu to mia-mian aijo', aha nombea-beak baju' nu aha ka' nopadeka' nokiijo' i totonga' nu mian da'isan aijo', lantas noloboo',

SISIKON NU TO RASUL-RASUL 14:14 ပူးပေါင်းရင်းမြစ်များ

2 TOMU-TOMUNDO' 18:37

Sahingga i Elyakim, i Sebna ka' i Yoah nombea-beakmo baju' nu aha, salaku tanda talalomo hondo sinusa' na kinyonyoa nu aha, lantas nambamo pinoto'i nu aha hi tomundo' apaa na anu pinoto'imo nu suludadu nu Asyur anu matangkas na pangkatnyo aijo'.

2 TOMU-TOMUNDO' 5:7

Salatan tomundo' nu Israel nombasa'mo sulat aijo', binea-beaknyomo na baju'nyo kalana nabuhukmo, ka' notatae, “Silakamo na uuka kadaka' i tomundo' Siria aijo' nompoitamo mae aku da mompa'alinakon mian aijo'? Aku misa' Tumpu Allah anu ko kuasa timbali mompotumuu' kabai mompatei mian! Tantu tomundo' nu Siria aijo' ola mompobau-bau aku!”

YEREMIA 36:24

Maunyomo ahi' i Elnatan, i Delaya, tiba i Gemarya nongkakasemo da boli nu papui itomundo' na kitab anu ilulun aijo' panyo madi' ahi' ia nongala-ala aha. Maumo ahi' itomundo' kabai to mia-mian anu kopangkatnyo nonohongomo isi nu kitab aijo' madi' ahi' mongoa'i buhuk kabai pa' mompele-pele na kinyonyoa.

NOMBILANGMO 14:6

I Yosua, anak i Nun, ka' i Kaleb anak i Yefune, ua-ua' aha aijo' suele sangalu nu anu namba nondoyoni nombeakmo pakean nu aha salaku tanda talalomo hondo sinusa'.

MATIUS 26:65

Sahingga Imam Daka' aijo' nombea-beakmo baju'nyo, ka' notatae, “Ia mompisala'i Tumpu! Madi'mo palalu ko sakisi. Posi komiu iwi-iwi' nosi hongomo potatae anu mompisala'i Tumpu.

MARKUS 14:63

Sahingga imam daka' nombea-beak baju'nyo ka' notatae, “Madi' palalu ko sakisi!

SISIKON NU TO RASUL-RASUL 14:4

Panyo to mia-mian anu jojoong i kota aijo' madi' pokakana na pikilan nu samian ka' sangga'at; daagi' ko anu mosambiha' hi to mia-mian Yahudi ka' daagi' ko anu mosambiha' hi to rasul-rasul aijo'.

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?