SISIKON NU TO RASUL-RASUL 14:1 - KITAB NU TUMPU ALLA LELE MA'IMAI'

¹ I Paulus ka' i Barnabas nongoa'i mule' han anu pokakana i Ikonium. Aha namba mule' nokiijo' i laigan pogalejaan nu mian Yahudi ka' notatae i kiijo' na'ima' hondo sahingga da'isan na mian nu Yahudi ka' mian misa' Yahudi pinalesayamo hi Yesus.

SISIKON NU TO RASUL-RASUL 14:1 ပူးပေါင်းရင်းမြစ်များ

MARKUS 7:26

ka' mompoita da i Yesus molaa'akon roh ma'idek lengkat hi anak aijo'. Boune aijo' misa' mian nu Yahudi, i hampe i tano' Fenisia i Siria.

YOHANES 12:20

To mia-mian anu namba nokiijo' i Yerusalem mogaleja tempo'nyo nu lamean aijo', daagi' ko to pia-piangkuka mian nu Yunani.

YOHANES 7:35

Lantas anu mongkuasai Yahudi notataemo samian ka' samian, “Mian aiya kahanda'mo mamba moya sahingga madi' opoko humpakto na Ia? Te Ia kahanda'mo mamba hi to mia-mian Yahudi anu jojoong i sambiha' nu lipu' santano'an i totonga' nu mian Yunani ka' mompogulu' mian nu Yunani?

SISIKON NU TO RASUL-RASUL 11:21

Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

SISIKON NU TO RASUL-RASUL 13:43

Ilapas to mia-mian nosabat lengkat i laigan pogalejaan aijo', i Paulus ka' i Barnabas binatukanmo nu mian da'isan Yahudi ka' bansa sangga'at anu ninsoopmo agama Yahudi. Sahingga to rasul-rasul aijo' nompokinde'imo aha, da aha tionyo saja' montaha'imani balakat nu Tumpu.

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 13:5

Salatan tinoka i Salamis, aha nompolelemo potatae nu Tumpu Allah i to lai-laigan pogalejaan nu Yahudi. I Yohanes Markus nontulungi aha i uno nu lumambanan nu aha.

SISIKON NU TO RASUL-RASUL 13:51

Sahingga to rasul-rasul aijo' nonsapuimo abu' i tengke nu aha, i ahop nu to mia-mian aijo' bau tanda, lantas nambamo nokiijo' i Ikonium.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

SISIKON NU TO RASUL-RASUL 14:21

Kiijo' i Derbe, i Paulus ka' i Barnabas nompolele Lele Ma'ima' aijo' ka' dina'isan na mian anu pinalesayamo hi Yesus. Lapas aijo' aha ninsusule'mo nokiijo' i Listra, lapas aitu nokiijo' i Ikonium, lantas nokiijo' i Antiokhia i da'erah Pisidia.

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 16:2

Anu i kiijo' to mia-mian anu palesayamo anu jojoong i Listra ka' i Ikonium, i Timotius tinalasangmo, mian anu ma'ima'.

SISIKON NU TO RASUL-RASUL 17:12

Da'isan na anu kiijo' hi aha pinalesayamo hi Yesus, ka' madi' sangkiding mule' na to mia-mian nu Yunani anu talasanggo pinalesayamo; mau boune, mau pe'e mo'ane.

SISIKON NU TO RASUL-RASUL 17:17

Mokonyo aijo' i laigan pogalejaan, i Paulus nompaha buka-buka pikilan tiba to mia-mian nu Yahudi ka' to mia-mian sangga'atannyo anu monsombah Tumpu i kiijo'. Sumo aitu mule' i to pasar-pasar toka nu sansina-sinaa ia mompaha buka-buka' pikilan tiba batu-batu mian anu i kiijo'.

SISIKON NU TO RASUL-RASUL 17:4

To pia-piangkuka na mian pinalesayamo lantas mombatukimo i Paulus ka' i Silas; sumo aitu mule' manjoo' hondo na to mia-mian Yunani anu mabuhuk hi Tumpu, ka' da'isan suele na to bouboune anu talasanggo.

SISIKON NU TO RASUL-RASUL 18:4

Panyo toka i sinaa nu Sabat i Paulus mamba basisik i laigan pogalejaan da to mia-mian nu Yahudi mau pe'e to mia-mian nu Yunani palesaya hi Yesus.

SISIKON NU TO RASUL-RASUL 18:8

Panyo i Krispus anu mongkapalai laigan pogalejaan aijo' tiba iwi-iwi' na potoutusannyo pinalesayamo hi Tumpu Yesus. Ka' da'isan suele na to mia-mian nu Korintus sangga'atannyo nohongomo lele anu pinotokakon i Paulus, ka' aha pinalesayamo hi Yesus lantas pinalamandikanmo.

SISIKON NU TO RASUL-RASUL 19:10

Ia saja' nombau han aijo' ingohua' na taun na ko pinnyo sampe iwi-iwi' na mian anu jojoong i Provinsi Asia, mau mian nu Yahudi, mau pe'e mian bansa sangga'at, iwi-iwi' mohongomo potatae nu Tumpu.

SISIKON NU TO RASUL-RASUL 19:17

Iwi-iwi' mian nu Yahudi ka' mian bansa sangga'at anu jojoong i Efesus nohongo apaa na anu tinimbalimo aijo', lantas aha i nabuhukmo. Sahingga sanggo i Tumpu Yesus pinaka puji-puji'mo.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 21:28

ka' lewa' noloboo', “O, to mia-mian nu Israel, tulung! Aiyamo na miannyo anu mamba iyaya mae mongajan iwi-iwi' na mian nu to aja-ajalan anu mompisala'i bansa Israel, mompisala'i atulan i Musa ka' mompisala'i Laigan nu Tumpu aiya. Ka' uuka ia ola' o mule' momboa to mia-mian anu misa' Yahudi ninsoop i uno nu Laigan nu Tumpu ka' nombau anu moko pahenggas i tampat anu susi' aiya!” (

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

GALATIA 2:3

I Titus, anu nonsangalui aku, mian nu Yunani, panyo ia madi' pinakisa mombatuki atulan nu sunat,

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.