SISIKON NU TO RASUL-RASUL 13:7 - KITAB NU TUMPU ALLA LELE MA'IMAI'

⁷ I Sergius Paulus, gubernur nu togong aijo', atina'mo na mosangalu hondo tiba anu monsumbu' ilimu' aijo'. Gubernur aijo' samian anu sukup na kapandeannyo. Ia nolaga i Barnabas ka' i Saulus, kalana ia ka'oho' mohongo potatae nu Tumpu.

SISIKON NU TO RASUL-RASUL 13:7 ပူးပေါင်းရင်းမြစ်များ

AMSAL 14:15

Mian anu ponga' mompalesaya sinin na potatae; panyo mian anu pande na saja' ahi' bapikin ima-ima' na mombau apa-apaa.

AMSAL 14:18

Mian anu madi' ko anu nupisumbu-sumbu' timbalimo ponga'; panyo mian anu pande mompaka pintuangmo na ilimu'nyo.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

AMSAL 18:15

Mian anu manonong saja' megot molio ilimuu'; mian anu pande saja' mongindi da mohumpak pangajalan.

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

SISIKON NU TO RASUL-RASUL 13:12

Salatan gubernur aijo' nontoa apaa na anu jinadimo, ia pinalesayamo hi Yesus; kalana ia bangang hondo i pangajalan mongkona Tumpu.

SISIKON NU TO RASUL-RASUL 13:8

Panyo i Barnabas ka' i Saulus ginagakon i Elimas anu monsumbu' ilimu' aijo', kalana i Elimas (aijo'mo na sanggonyo i uno nu bansa nu Yunani) bala usaha da gubernur aijo' boli sampe palesaya hi Yesus.

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 19:38

De i Demetrius ka' anu topo kalajanyo aijo' kahanda' mongkalak toto samian, sahanyo aha momboa palakalanyo mokiijo' i anu momputusi. Anu momputusi aijo' saja' sasadia ka' to pangka-pangkat pamalentah aijo' pe'e saja' daagi'.

1 TESALONIKA 5:21

Iwi-iwi' na apaa tionyo o uji', ka' anu ma'ima' tionyo ahi' obatuki.