SISIKON NU TO RASUL-RASUL 13:48 - KITAB NU TUMPU ALLA LELE MA'IMAI'

⁴⁸ Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 13:48 ပူးပေါင်းရင်းမြစ်များ

MAZMUR 138:2

Aku tinolodadupumo monsombahmo mo'ahop sasu i Laigan nu Belento anu susi', ka' nompuji'mo sanggo nu Belento kalana Belento manonong ka' saja' mongkalibosi. Belento talalo hondo mompentingkan anu jinanji'mo nu Belento molingkudui pikilan nu mian anu montutuhakon Belento.

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

MATIUS 28:16

Sampulu' ka' sa'angu' na anu saja' mombatuki Yesus aijo' namba nokiijo' i bungkutnyo nu Galilea, sumo anu pinalentahkonmo i Yesus hi aha.

LUKAS 7:8

Kalana aku suele ta'aluk i palentah anu i bawongku, ka'i alukku daagi' suele ko to sulu-suludadungku anu tionyo mohongo palentangku. De aku mompalentah samian na suludadu, ‘Lako'!’ ia mule' mamba; ka' de aku montaloakon hi sangga'at. ‘Imbo' aiya!’ ia mule' toka. Ka' de aku mompalentah posaihonku, ‘Bau na aiya!’ ia tionyo mombau.”

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

SISIKON NU TO RASUL-RASUL 13:12

Salatan gubernur aijo' nontoa apaa na anu jinadimo, ia pinalesayamo hi Yesus; kalana ia bangang hondo i pangajalan mongkona Tumpu.

SISIKON NU TO RASUL-RASUL 13:42

Tempo'nyo i Paulus ka' i Barnabas nompala'imo laigan pogalejaan aijo', to mia-mian i laigan pogalejaan aijo' nompoita aha po'ule' minsusule' mae i sinaa nu Sabat anu aiyamae ahop da mompaka sisikakon mongkona hahan aijo'.

SISIKON NU TO RASUL-RASUL 15:2

I Paulus ka' i Barnabas talalo hondo nonggagakon pongka'oho' nu to mia-mian aijo'. Ahennyo tinantukan da i Paulus ka' i Barnabas tiba to pia-piangkuka na mian sangga'at lengkat i Antiokhia mamba mokiijo' i Yerusalem da mombisalakon ulusan aijo' tiba to rasul-rasul ka' to pola-polaya' i kiijo' mae.

SISIKON NU TO RASUL-RASUL 15:31

Salatan to mia-mian anu ninsoopmo i jama'at aijo' nombasa' sulat aijo', aha sinanang hondo i isi nu sulat aijo' anu nomposanangmo kinyonyoa nu aha.

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 20:13

Kami namba nokiijo' i kapan lantas tinalabutmo namba momona nokiijo' i Asos da molabot i Paulus sumake' i kapan kiijo' mae. Ia nongatunmo sumo aitu kalana ia mokiijo' lumajang tano'.

SISIKON NU TO RASUL-RASUL 22:10

Lantas pinokilawangku mule', ‘Apaa na tionyo kubau Kita Tumpu?’ Tumpu nontaami, ‘Bulaamo ka' pokiijo'mo i Damsyik. I kiijo' mae beleyum nu poto'ije nu Tumpu iwi-iwi' na anu nu bau.’

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 8:8

Sahingga to mia-mian i kota Samaria aijo' i lame'mo hondo.

ROMA 11:7

Jadi, mosia? Mian nu Israel anu palesayamo madi'mo mohumpak apaa na anu nulio nu aha. Anu mohumpak ola santompuk ise-ise' na mian anu pinile'anmo nu Tumpu. Iwi-iwi' sangga'at ola pinanggaga madi' nompa juli polaga nu Tumpu.

ROMA 13:1

Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:19

ka' palias na kodaka'nyo na kuasa nu Tumpu mokalaja hi kita anu palesayamo. Kuasa nu Tumpu aijo' pokakanamo sumo kuasa anu madi' ko gampanyo.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

2 TESALONIKA 3:1

Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae.