SISIKON NU TO RASUL-RASUL 13:46 - KITAB NU TUMPU ALLA LELE MA'IMAI'

⁴⁶ Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 13:46 ပူးပေါင်းရင်းမြစ်များ

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

YESAYA 55:5

Belemiu molagaje to bansa-bansa anu salipu'an mae, ka' aha sampaje toka mae hi belemiu, kalana Aku, Tumpu nu belemiu, Tumpu nu Israel anu susi', kalana Aku nompopodaka'mo sanggo nu belemiu.”

YEHEZKIEL 2:5

pa' ka oho' nu hongo nu aha kabai madi'; asan nu sumbu'mo nu aha taalu' daagi' ko nabi aijo' hi aha.

MATIUS 10:6

Panyo lako'mo hi to mia-mian Israel, lebe-lebe mule' hi aha anu sinala'mo na jalan.

MATIUS 21:41

Aha nontaami, “Tantu ia mompatei to mia-mian ma'idek aijo', lantas montamboakon ale' nu anggur aijo' hi mian sangga'at anu mongka'oho' mombee'i sangga'at na hasin nu tano' aijo' hi ia de tokamo na tempo'nyo.”

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

SISIKON NU TO RASUL-RASUL 13:14

Lengkat i Perga, aha nolausakonmo lumambanan nokiijo' i Antiokhia i Pisidia, lapas aitu i sinaa nu Sabat aha nambamo sinumuhang i uno nu laigan pogalejaan.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 13:5

Salatan tinoka i Salamis, aha nompolelemo potatae nu Tumpu Allah i to lai-laigan pogalejaan nu Yahudi. I Yohanes Markus nontulungi aha i uno nu lumambanan nu aha.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 2:10

Panyo iwi-iwi' mian anu mongka'oho' mombau anu ma'ima', tionyo obee'i anu opopodaka' ka' anu o adati tiba ka'ima'an lengkat mae hi Tumpu; momoonanyo hi mian Yahudi, sumo aitu mule' hi to mia-mian bansa sangga'at.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.