SISIKON NU TO RASUL-RASUL 13:36 - KITAB NU TUMPU ALLA LELE MA'IMAI'

³⁶ I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 13:36 ပူးပေါင်းရင်းမြစ်များ

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

1 TOMU-TOMUNDO' 2:10

Lapas aijo' i Daud sinilakamo ka' i lamunmo i Kota Daud.

1 TAWARIKH 11:2

Salatan pe'e naipuan mae, ka' mule' tempo'nyo i Saul daagi' nompalentah kami, belentomo Tomundo' na nongkapalai suludadu nu Israel de mambamo na aha mahampate. Ka' ule' Tumpu Allah nu Belento Tomundo' binalajanji'mo tukoonyo belentomo Tomundo' na mompalentah mian anu pinalesayamo hi aha ka' baumo tomundo' nu aha.”

1 TAWARIKH 17:11

Saidi' mae de tokamo na ajan nu beleyum ka' beleyum olamunmo i polamunan nu mompolee' nu belemiu samian na anak nu beleyum momo'ane Ku hangkatmo timbali tomundo' iamo na mompotinjo laigan kajojoongan-Ku. Kalaja'annyo Ku pohosonmo ka' sampe toka sidu-sidutu' samian anu lengkat mae hi lee'nyo na mompalentahje salaku tomundo'.

1 TAWARIKH 18:14

Sumo aijo' na i Daud nompalentah songko-songko na Israel ka' nonjagai da mian da'isan saja' opalentah adin ka' ma'ima'.

1 TAWARIKH 29:28

Ia kaya ka' talalo hondo o'adati ka' i langkai'mo hondo ia sinilakaje. I Salomo anaknyo momo'ane na i hangkat binau tomundo' nombolosakon ia.

2 TAWARIKH 12:16

I Rehabeam sinilakamo ka' i lamunmo i pinolamunan to tomu-tomundo i kota Daud. I Abia anaknyo momo'ane na nombolosakon ia binau tomundo.

2 TAWARIKH 21:1

I Yosafat sinilakamo ka' i lamunmo i tampat pinolamunan to tomu-tomundo kiijo' i kota Daud. I Yehoram anaknyo momo'ane na i hangkat binau tomundo nombolosakon ia.

2 TAWARIKH 26:23

Salatan ia sinilakamo, i Uzia i lamunmo i tano' koko pinolamunan to tomu-tomundo, panyo madi'mo pinosa'angu' i lamunan aijo', kalana ia ko panyakit kilit anu ma'idek hondo. I Yotam anaknyo momo'ane na nombolosakon ia binau tomundo.

2 TAWARIKH 9:31

Lapas aijo' ia sinilakamo ka' i lamunmo i kota' Daud. Lantas i Rehabeam anaknyo momo'ane i hangkatmo binau tomundo nombolosakon ia.

AYUB 17:14

Hagumku ku sanggohimo “Tuumangku”, ka' santo ia-ias nu tano' anu mongkaanmo butongku ku sanggohimo “Tinangku” ka' “Utuskumo boune.”

AYUB 21:26

Panyo i uno nu pinolamunan, aha pokakana bubu' pinomale'; ka' nukampuhimo nu ias.

MAZMUR 49:14

Sumo aijo'mo na uki' nu mian anu montakabunakon butongnyo, ka kantumuu'an nu mian aiya mae i ahop anu ola saja' mongka'ima'i potataenyo.

MAZMUR 49:9

Maumo apaa na nu bee' madi' moko ala monsukupi; talalo ahi' mahan na olinyo bau pontobus nyawanyo,

MATIUS 25:16

Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

YOHANES 11:39

“Hangkat na batu aijo',” koo-Nyo i Yesus. I Marta, utus nu mian anu sinilaka aijo' nontaami, “Panyo Tumpu, ia patonsinaamo na i lamun. Tantu nabusikmo!”

SISIKON NU TO RASUL-RASUL 13:22

Salatan Tumpu nompobelentimo ia i pangkatnyo, Tumpu Allah nongangkat mule' i Daud da timbali tomundo nu aha. Ka' aiyamo na anu tinaloakon nu Tumpu mongkona i Daud, ‘Aku nohumpakmo i Daud anak i Isai aijo' samian anu momposanang kinyonyoang-Ku. Iamo na mian anu mombau pongka'oho'-Ku.’

SISIKON NU TO RASUL-RASUL 2:29

To Utu-utus, poloas mae na aku motatae sahondo-hondonyo mongkona i Daud, tuuma nu mompolee'to. Ia natemo ka' i lamunmo suele; pinolamunan ia daagi' aiya i totonga'to sampe uuka.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

1 KORINTUS 15:18

Aijo' alati'nyo mule' taalu' to mia-mian Kristen anu sinilakamo sumo aijo', suele madi' ko anu opitaha-taha'imani.

1 KORINTUS 15:6

Lapas aijo' Ia nompotoa butong-Nyo mule' hi lima atu na anu saja' mombatuki Ia, aitu pe'e ugaat molabi tempo'nyo aitu. Kanjoo'annyo na mian haha aijo' daagi' tumuu' tempo' uuka aiya, ola toto sangga'at na sinilakamo.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.