SISIKON NU TO RASUL-RASUL 13:33 - KITAB NU TUMPU ALLA LELE MA'IMAI'

³³ aijo' kinalaja'Nyomo hi kita tempo'nyo po'ule' nompotumuu' i Yesus lengkat i kapateannyo. Kalana i uno nu Mazmur anu ko ohua'nyo tinulismo, ‘Beleyum na Anak-Ku, i sinaa aiya Aku timbalimo Tuuma-Um.’

SISIKON NU TO RASUL-RASUL 13:33 ပူးပေါင်းရင်းမြစ်များ

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

YOHANES 2:22

Jadi, lapas aijo' salatan i Yesus po'ule'mo pinotumuu' lengkat i kinasilakaan-Nyo, tinonginau'je na anu saja' mombatuki Ia saba' han aijo' toho'mo tinaloakon-Nyo. Sahingga aha pinalesayamo hi apaa na anu tinulis i uno nu Kitab nu Tumpu, ka' apaa na anu tinaloakonmo i Yesus.

SISIKON NU TO RASUL-RASUL 13:30

Panyo Tumpu po'ule' nompotumuu' lengkat i kapatean-Nyo.

SISIKON NU TO RASUL-RASUL 13:34

Tumpu po'ule'mo nompotumuu' Ia i kapateannyo. Uuka Ia madi' daagi' mongoa'i kapatean i uno nu kubulan. Mongkona han aijo' Tumpu notataemo, ‘Aku mombee'je janji' susi' hi Belemiu anu tionyo o ganapi, anu noko janji'-Kumo hi Daud.’

SISIKON NU TO RASUL-RASUL 13:37

Panyo i Yesus, anu sinilakamo po'ule' pinotumuu' nu Tumpu Allah, i Yesus aijo' madi' ningkot nahutak.

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

IBRANI 5:5

Sumo aijo'mo na i Kristus. Ia madi' nohangkat posi butong-Nyo da timbali Imam Daka'. Posi Tumpu na nohangkatmo Ia. Tumpu notatae hi Ia, “Anak-Ku na Beleyum; sinaa aiya Akumo na Tuuma nu Beleyum.”