SISIKON NU TO RASUL-RASUL 13:32 - KITAB NU TUMPU ALLA LELE MA'IMAI'

³² Jadi, uuka aiya kami mompotokakon Lele Ma'ima' aijo' hi komiu: Apaa na anu jinanji'akonmo nu Tumpu hi mompolee'to,

SISIKON NU TO RASUL-RASUL 13:32 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEHEZKIEL 34:23

Aku mohangkatmo samian na tomundo' anu pokakana sumo posaihon-Ku i Daud da timbali bau polaya' aha, ka'iamo na mompalakai aha.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 13:23

Lengkat i lee' i Daud aijo'mo na Tumpu nomposadiakon hi bansa Israel samian na Tomundo anu Momposalamat, sumo anu noko janji'-Nyomo. Ka' i Yesus aijo'mo na Tomundo anu Momposalamat.

SISIKON NU TO RASUL-RASUL 13:38

Kalana aijo' to Utu-utus, tionyo ahi' komiu monsumbu', saba' hi Yesusmo aiya na lele mongkona dosa' o ampuni i leleakon hi komiu; komiu tionyo monsumbu' saba' toto samian anu palesaya hi Ia, opobebas i iwi-iwi' na dosa'nyo anu madi' opoko alini nu to pale-palentah nu Tumpu anu pinotoka i Musa.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 26:6

Ka' uuka aku tuminjo i aiya da o ulus kalana aku palesaya hi janji' anu binau nu Tumpu hi mompolee' mami.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

SISIKON NU TO RASUL-RASUL 5:42

Ka' sansina-sinaa i Laigan nu Tumpu ka' i to lai-laigan nu mian mongajan ka' mompolele Lele Ma'ima' mongkona i Yesus tukoonyo nu aha Iamo na Tomundo anu Momposalamat anu jina-jinanji'mo aijo'.

ROMA 1:2

Lele Ma'ima' aijo' jinanji'mo nu Tumpu daagi' pe'e naipuan mae sinisikakonmo nu to nabi-nabi-Nyo ka' tinulismo i uno nu Kitab nu Tumpu.

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 4:13

Tumpu binajanji' hi Abraham tiba anu ilee'akonnyo, tukoonyo dunia aiya i Abraham na tumpunyo. Tumpu binajanji' sumo aijo' misa' kalana i Abraham tulu-tulutan i atulan nu agama Yahudi, panyo kalana ia palesaya hi Tumpu, sahingga Ia tinalima nu Tumpu salaku mian anu momposanang kinyonyoa-Nyo.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.