SISIKON NU TO RASUL-RASUL 13:31 - KITAB NU TUMPU ALLA LELE MA'IMAI'

³¹ Lapas aitu sansina-sinaa na kopinnyo Ia toka mae mompotoa butongnyo hi to mia-mian anu tinokamo tiba Ia lengkat mae i Galilea mokiijo' i Yerusalem. Ahamo na anu tempo' uuka tinimbali to saki-sakisi-Nyo i bansa Israel.

SISIKON NU TO RASUL-RASUL 13:31 ပူးပေါင်းရင်းမြစ်များ

MATIUS 28:16

Sampulu' ka' sa'angu' na anu saja' mombatuki Yesus aijo' namba nokiijo' i bungkutnyo nu Galilea, sumo anu pinalentahkonmo i Yesus hi aha.

LUKAS 24:48

Komiumo na to saki-sakisinyo iwi-iwi' aijo'.

YOHANES 15:27

Ka' komiu suele tionyo mombee'i katalangan mongkona Aku, kalana komiu no'imboamo ka' Aku salatanmo pe'e imomoonanyo.

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 10:39

Kamimo aiya na to mia-mian anu nosi toamo sagala apa-apaa anu binaunyo i kampung nu mian Yahudi ka' i Yerusalem. Mau pe'e sumo aijo' aha nonsalibmo ka' nompateimo Ia.

SISIKON NU TO RASUL-RASUL 10:41

madi' hi iwi-iwi' na mian, sambiha'nyo ola posi kami anu pinile'anmo nu Tumpu i momonanyo da timbali to saki-sakisi-Nyo: Kami nongkaan ka' nonginum tiba Ia, salatan Ia po'ule'mo tinumuu' lengkat i kasilakan-Nyo.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 5:32

Kamimo na to saki-sakisi mongkona iwi-iwi' aijo' – kami ka' suele Roh nu Tumpu anu binee'mo nu Tumpu hi to mia-mian anu mombatuki palentah-Nyo.”