SISIKON NU TO RASUL-RASUL 13:29 - KITAB NU TUMPU ALLA LELE MA'IMAI'

²⁹ Ka' salatan ilapas na aha nombau iwi-iwi' anu noko tulismo i uno nu Kitab nu Tumpu mongkona Ia, aha nontauhakon bangke'-Nyo lengkat i kau' salib, lantas pino'una'nyomo na Ia i uno nu kubun.

SISIKON NU TO RASUL-RASUL 13:29 ပူးပေါင်းရင်းမြစ်များ

MARKUS 15:42

Sinaa ohanimo malom tempo'nyo i Yusuf tinoka mae lengkat i Arimatea. Ia minsoop, Mian Kopian Daka' nu Agama anu o angga'i. Ia suele hau-haunyo montanda'i tempo'nyo Tumpu montampu'uni mompalentah susumo Tomundo'. Sinaa aitu Sinaa nu Momposadia (aijo'mo: sinaa nu Sabat anu ota-otanda'i, malia'mo toka.) Kalana aijo' binaanimo na i Yusuf nangadap hi Pilatus ka' nompoita bangke' i Yesus.

LUKAS 23:50

Daagi' ko samian sanggonyo i Yusuf, anu nolengkatmae i kota Arimatea, i lipu' nu Yudea. Ia mian anu manonong anu o adati nu mian, ka' anu hau-haunyo montanda'i Tumpu montampu'unimo mompalentah salaku Tomundo. Mau mule' ia minsoop Mian Kopian Daka' nu Agama, ia madi' setuju tiba kaputusan ka' pikilan nu Mian Kopian Daka' aijo'.

LUKAS 23:53

Lapas aijo' tinauhakonnyo na bangke' i Yesus aijo' i kau' salib ka' sinaputnyo nu hude lenan. Lapas aijo' pino'una'nyomo i uno nu pongkubunan anu binau i uno nu bungkut nu batu – pongkubunan aijo' ma'isa toho' pinake.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 19:28

Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”

YOHANES 19:30

I Yesus nontumi' uee nu anggur aijo' lantas notataemo, “I lapasmo!” Balo Ia tinompalupek na ubak-Nyo ka' sinilaka.

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

SISIKON NU TO RASUL-RASUL 5:30

I Yesus anu sinalibmo miu, po'ule'mo pinotumuu' nu Tumpu Allah i kapateannyo, aijo'mo Tumpu nu mompolee'to.

1 KORINTUS 15:4

saba' Ia i lamun panyo ilapas mae Ia po'ule'mo pinotumuu' i sinaa kino itolunnyo. Aijo' suele tinulismo i uno nu Kitab nu Tumpu.