SISIKON NU TO RASUL-RASUL 13:22 - KITAB NU TUMPU ALLA LELE MA'IMAI'

²² Salatan Tumpu nompobelentimo ia i pangkatnyo, Tumpu Allah nongangkat mule' i Daud da timbali tomundo nu aha. Ka' aiyamo na anu tinaloakon nu Tumpu mongkona i Daud, ‘Aku nohumpakmo i Daud anak i Isai aijo' samian anu momposanang kinyonyoang-Ku. Iamo na mian anu mombau pongka'oho'-Ku.’

SISIKON NU TO RASUL-RASUL 13:22 ပူးပေါင်းရင်းမြစ်များ

2 SAMUEL 2:4

Lapas aijo' to mia-mian nu Yehuda nambamo i Hebron ka' nohangkatmo i Daud binau tomundo' nu aha mian Yehuda. Salatan ihongomo i Daud na aha mian nu Yabesh anu kiijo' i Gileat nolamunmo i Saul,

2 SAMUEL 7:15

Panyo Aku tataap mombau ka'ima'an hi ia susumo anu jinanji'-Kumo. Apaa na anu jinanji'-Kumo hi ia sabole-bole Ku toongi, madi' susumo anu binaung-Kumo hi Saul, ia pinobelenting-Kumo ipangkatnyo da beleyumo na timbali tomundo'.

2 SAMUEL 7:8

Mokonyo aijo' Natan, poto'iakon hi Daud posaihon-Ku, Aku Tumpu Anu Daka' na kuasangku mompoto'i hi ia, 'Beleyum hau-haunyo molaya' domba kiijo' mae i padang ingalang-Kumo ka' ihangkat-Kumo binau tomundo' hi aha mian Israel anu pinalesayamo hi belengku.

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

1 TAWARIKH 2:12

i Obed i Isai.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

YEREMIA 33:21

Sumo aijo' mule' Aku nombaumo palajanjian tiba posaihon-Ku i Daud, da lee'nyo mae saja'mo daagi' ko samian na anu timbali tomundo'; ka' Aku nombaumo palajanjian tiba to ima-imam lee' mae nu aha Lewi da aha saja' ahi' mombau apaa na anu Ku palentahkon. Palajanjian haha aijo' madi' timbali ohapus.

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

YEHEZKIEL 34:23

Aku mohangkatmo samian na tomundo' anu pokakana sumo posaihon-Ku i Daud da timbali bau polaya' aha, ka'iamo na mompalakai aha.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

SISIKON NU TO RASUL-RASUL 7:46

I Daud nomposanang kinyonyoa nu Tumpu ka' ia nompoitamo hi Tumpu da ia opobee' na mombau sa'angu' na laigan ponsombaan Tumpu anu nuso-nusombah i Yakub aijo'.

1 SAMUEL 12:25

Panyo de belemiu saja'ahi' mombau dosa' yo belemiu tiba tomundo' nu belemiu tantu osilakaimo ahi'.”

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

1 SAMUEL 15:26

Panyo tinaaman i Samuel, “Aku madi'mo mongka'oho' minsusule' hingga-hinggat tiba belento Tomundo'. Belento Tomundo' madi'mo nohongo-hongo palentah nu Tumpu, ka' uuka aiya Ia madi'mo mongakui belento Tomundo' timbali Tomundo' nu aha Israel.”

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

1 SAMUEL 28:16

Lantas notataemo na i Samuel, “Apaa na gunanyo beleyum daagi molaga mae aku, padahan Tumpu nompala'imo beleyum ka' tinimbalimo sampo bali' nu beleyum?

1 SAMUEL 31:6

Sumo aijo' na i Saul tiba aha totolu' na anaknyo anu toto momo'ane tiba iwi-iwi' na suludadunyo tiba olitau aijo' sinilaka i sinaamo ai-aitu.