SISIKON NU TO RASUL-RASUL 13:20 - KITAB NU TUMPU ALLA LELE MA'IMAI'

²⁰ Iwi-iwi' aijo' pato atu limampulu' na taun na kopinnyo. Pinoko bagi na lipu' Kana'an aijo', Tumpu nombee'imo aha hakim-hakim. Hakim imihinyo aijo'mo i Nabi Samuel.

SISIKON NU TO RASUL-RASUL 13:20 ပူးပေါင်းရင်းမြစ်များ

2 TOMU-TOMUNDO' 23:22

Daagi' pe'e tempo'nyo bansa Israel pinalentah nu mian anu to babaani ma'isa pe'e toho' tomundo' nu Israel kabai tomundo' nu Yehuda anu molame'akon paskah sumo aijo'.

1 TAWARIKH 17:6

Sumo uukamo na kinopinnyo na Aku mamba moyaya tiba bansa Israel ma'isa toho' pinokilawang-Ku hi to pola-polaya' anu pinile'an-Kumo, apaa na sababnyo aha madi' mombaui sa'angu' na laigan anu kau' lontio' nu Libanon na obau.’

SISIKON NU TO RASUL-RASUL 3:24

To nabi-nabi anu toho'mo nompotokakon lele lengkat hi Tumpu Allah, lengkat pe'e hi Nabi Samuel ka' nabi-nabi sangga'at anu tinokaje i mihi, iwi-iwi' monsisikakon mongkona tempo' aiya.

TO MIA-MIAN KOPIAN 2:16

Saja'mo Tumpu nombee'i aha to pola-polaya' anu mongka'oho' molapasakon aha da sampobali' nu aha bolimo mompahuhuakon.

TO MIA-MIAN KOPIAN 3:10

Roh nu Tumpu nongkuasaimo i Otniel sahingga ia tinimbalimo polaya' nu aha mian Israel. Ia nambamo nahampate, lantas binee'anmo nu Tumpu ka'untungan nahampate nongewa tomundo nu aha Mesopotamia.

I RUT 1:1

Tempo'nyo naipuan mae ma'isa pe'e Israel kino tomundo'nyo, lipu' nu Kana'an tinokanmo nu balaa' kasusa'an i anu okaan. Tempo'nyo aitu daagi' ko samian na mo'ane sanggonyo i Elimelekh. Ia lengkat mae hi aha mian nu Efrata, ka' kajojoongannyo i Betlehem da'erah nu Yehuda. Kalana tinokamo na tempo'nyo kasusa'an i anu okaan, sahingga ia nambamo i lipu' Moab tiba bengkele'nyo, i Na'omi, tiba anaknyo to momo'ane ua'aha: I Mahlon tiba i Kilyon. Lantas aha jinojoongmo ikiijo' mae. Tempo'nyo aha daagi' kiijo' mae, i Elimelekh sinilakamo.

1 SAMUEL 12:11

Lapas aijo' Tumpu nonsaimo i Gideon, lapas aijo' i Barak, ka' lapas aijo' mule' i Yefta, ka' imihinyo mae akumo. Kami toto samian nompobebasmo belemiu da boli nu poposia nu sampo bali' nu belemiu sahingga belemiu noko alamo tinumuu' madi'mo ko anu nompoposia.

1 SAMUEL 3:20

Mokonyo aijo' iwi-iwi' na aha mian Israel anu i songko-songko na lipu' mongakuimo i Samuel nabi nu Tumpu. De motataemo na i Samuel iwi-iwi' na bansa Israel mompotombihingmo. Tumpu daagi saja manintoa kiijo' i Silo, anu momonanyo Ia nanintoamo hi Samuel ka' notataemo hi ia.