SISIKON NU TO RASUL-RASUL 13:2 - KITAB NU TUMPU ALLA LELE MA'IMAI'

² Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 13:2 ပူးပေါင်းရင်းမြစ်များ

1 TAWARIKH 16:4

I Daud nohangkatmo tino pia-piangkuka na mian nu aha Lewi anu mongatun mosia na monsombah Tumpu, Tumpu Allah nu Israel, i ahop nu Peti' Palajanjian aijo', ka' monyanyiakon ka' mompuji-puji'.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

MATIUS 17:21

Panyo roh ma'idek anu sangahan aiya, ola ahi' timbali olaa' nu balado'a ka' bapuasa'.]”

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

LUKAS 10:1

Lapas aijo' Tumpu nompile'i mule' pitumpulu' na anu saja' mombatuki, lantas nonsai aha toto ua'aha mamba i moona i toto sa'angu' na kota ka' tampat anu okahanda'i o lambani.

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

SISIKON NU TO RASUL-RASUL 10:19

Hau-haunyo i Petrus daagi' solaa' mompotutugakon da nu sumbu' na alati'nyo nu anu tinoanyo aijo', Roh nu Tumpu notatae hi ia, “O, Petrus, daagi' ko aha totolu' hau-haunyo molio beleyum.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 13:3

Ilapas binapuasa' ka' binalado'a aha nompotiik lima i buan nu ubak hi Barnabas ka' hi Saulus lantas nonsai aha ohu-ohua'.

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 14:26

Lengkat i kiijo' aha po'ule'mo tinalabut ninsusule' nokiijo' i Antiokhia. Aijo'mo na kota tampat nu aha u'utu mae pinotalima hi balakat nu Tumpu, da aha mongkalajakon pakalaja'an anu uuka aiya pinoko kalajamo nu aha.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 4:36

Sumo aitumo mule' na i Yusuf. Ia suele nompobaluk tano'nyo, lantas doi oli nu anu pinobaluknyo aijo' binoanyo ka' binee'nyo hi to rasul-rasul. I Yusuf aiya samian na lee' mae nu bansa Lewi lengkat mae i Siprus; to rasul-rasul suele monsanggohi ia i Barnabas (alati'nyo Pontundu).

SISIKON NU TO RASUL-RASUL 6:4

kalana kami kahanda' balado'a da ola saja' mompolele potatae nu Tumpu.”

SISIKON NU TO RASUL-RASUL 8:29

Roh nu Tumpu notatae hi Filipus, “Lako'mo oha-ohani i kasake'an aijo'.”

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 6:5

kami sinakisa, tinalungku', ka' opatei; kami nokalajamo make-makeke, toto minsan madi' hoyot ka' toto minsan madi'mo ko anu okaan.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

EFESUS 3:7

Tumpu nombee'imo balakat aku – aiyamo kalaja – da mompolele Lele Ma'ima' aijo'. Aku nontalima balakat aijo' nontului kuasa nu Tumpu anu nokalaja i uno nu butongku.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

KOLOSE 4:17

Ka' poto'i hi Arkhipus, “Sabole-bole obau na kalaja anu binee'mo hi komiu salaku bau pontuluti palentah nu Tumpu.”

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

2 TIMOTIUS 2:2

Ajalan anu u'utu mae i hongoummo lengkat hi belengku i ahop nu mian da'isan, tionyo ahi' beleyum mompalesayakonmo hi to mia-mian anu timbali opalesaya ka' anu pande na mongajan mian sangga'at.

2 TIMOTIUS 4:11

Me i Lukas na jinojoong tiba aku. Mamba ala ka' boa mae na i Markus hingga-hinggat tiba beleyum, kalana ia na timbali montulungi pakalaja'anku.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

1 SAMUEL 2:11

Lantas ninsusule'mo na i Elkana tiba aha salaigan nambamo i Rama, panyo i Samuel anak ai-aijo' na jinojoongmo ahi' i Silo ka' lewa'mo mombau apaa na anu nu palentahkon nu Tumpu i uno nu atulan anu nu pojalan i Imam Eli.