SISIKON NU TO RASUL-RASUL 13:12 - KITAB NU TUMPU ALLA LELE MA'IMAI'

¹² Salatan gubernur aijo' nontoa apaa na anu jinadimo, ia pinalesayamo hi Yesus; kalana ia bangang hondo i pangajalan mongkona Tumpu.

SISIKON NU TO RASUL-RASUL 13:12 ပူးပေါင်းရင်းမြစ်များ

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

YOHANES 7:46

Anu monja-monjagai aijo' nontaami, “Bee', ma'isa toho' ko mian anu notatae sumo Ia!”

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 13:49

Potatae nu Tumpu mule' tinogilelemo iyayamae i songko-songko na da'erah aijo'.

SISIKON NU TO RASUL-RASUL 13:7

I Sergius Paulus, gubernur nu togong aijo', atina'mo na mosangalu hondo tiba anu monsumbu' ilimu' aijo'. Gubernur aijo' samian anu sukup na kapandeannyo. Ia nolaga i Barnabas ka' i Saulus, kalana ia ka'oho' mohongo potatae nu Tumpu.

SISIKON NU TO RASUL-RASUL 13:8

Panyo i Barnabas ka' i Saulus ginagakon i Elimas anu monsumbu' ilimu' aijo', kalana i Elimas (aijo'mo na sanggonyo i uno nu bansa nu Yunani) bala usaha da gubernur aijo' boli sampe palesaya hi Yesus.

SISIKON NU TO RASUL-RASUL 15:35

I Paulus ka' i Barnabas suele jinojoong tino pia-pia manga na kopinnyo i Antiokhia. I kiijo' mae aha nongajan ka' nompolele potatae nu Tumpu nohingga-hinggat tiba mian da'isan sangga'at.

SISIKON NU TO RASUL-RASUL 15:36

Madi' pinin lapas aitu, i Paulus notataemo hi Barnabas, “Imbo' da kita po'ule' minsusule' mamba molenga to utu-utus anu pinalesayamo hi Yesus i songko-songko na kota anu pinompolelekantomo potatae nu Tumpu; da otoanto mosia na bau-baunyo nu aha.”

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 19:10

Ia saja' nombau han aijo' ingohua' na taun na ko pinnyo sampe iwi-iwi' na mian anu jojoong i Provinsi Asia, mau mian nu Yahudi, mau pe'e mian bansa sangga'at, iwi-iwi' mohongomo potatae nu Tumpu.

SISIKON NU TO RASUL-RASUL 19:20

Tiba jalan anu okabangangi sumo aijo', potatae nu Tumpu nompaka togilelemo ka' nompaka pahosonmo na kuasanyo.

SISIKON NU TO RASUL-RASUL 19:38

De i Demetrius ka' anu topo kalajanyo aijo' kahanda' mongkalak toto samian, sahanyo aha momboa palakalanyo mokiijo' i anu momputusi. Anu momputusi aijo' saja' sasadia ka' to pangka-pangkat pamalentah aijo' pe'e saja' daagi'.

SISIKON NU TO RASUL-RASUL 19:7

Konjoo'nyo nu aha iwi-iwi' kila-kila sampulu' ka' ohua' na mian.

SISIKON NU TO RASUL-RASUL 28:7

Madi' majo'on i tampat aijo' daagi' ko tano' tumpunyo i Publius, anu ko pangkat daka' i togong aijo'. Ma'ima' hondo na kinyonyoanyo nolabot kami sinonso' hi ia tinolun sinaa na kinopinnyo.

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 8:25

Noko lapas na aha nombee'i katalangan ka' nompotoka potatae nu Tumpu, i Petrus ka' i Yohanes ninsusule'mo i Yerusalem. Ka' manjoo' na to kampu-kampung i lambanan nu aha aijo' nompotoka Lele Ma'ima' i Samaria.