SISIKON NU TO RASUL-RASUL 13:11 - KITAB NU TUMPU ALLA LELE MA'IMAI'

¹¹ Uuka aiya toa, Tumpu mohukummo beleyum! Beleyum timbali mapisok, sampe beleyum to pia-pian sinaa madi' moko ala montoa jingka nu sinaa.” Tempo'mo aitu na i Elimas nongoa'i daagi' ko seehu' anu mo'itom mohuhubi matanyo, sahingga ia lumajang mahakawan molio mian da montaka' ia.

SISIKON NU TO RASUL-RASUL 13:11 ပူးပေါင်းရင်းမြစ်များ

KAJADIAN 19:11

Aha nompopisokmo iwi-iwi' na mata nu mian anu i sambiha' nu laigan aijo', sahingga mian haha aijo' madi'mo daagi' noko ala nontoa-toa sabatan.

2 TOMU-TOMUNDO' 6:8

Daagi' kino tempo' sa'angu' Siria nahampatemo nongewa Israel. Noko basale' tiba to sulu-suludadu nu aha anu toto tangka-tangkas na pangkatnyo, i tomundo' Siria nontantukanmo anu bakema'an nu aha.

AYUB 19:21

O belemiu to sanga-sangalungku, kalibosiakon mae na aku, kalana lima nu Tumpu Allah nondokemo aku.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 38:2

Tumpu boli mae mohukum aku kalana Belento notambuha'mo, boli monsakisa mae aku kalana Belento pinusamo.

NOSABATMO 9:3

Ku potokamo mae na panyakit anu daka' hondo mongkona iwi-iwi' na binatang potuu'on nu belemiu, ajahan, keledai, unta, sapi', domba ka' mee' nu belemiu.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YOHANES 9:39

I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

IBRANI 10:31

Palias na ko sansalanyo de manabu' i lima nu Tumpu Anu Tumuu'!

2 PETRUS 2:17

To gulu-gulu' anu madi' totu'u aijo' sumo mata nu uee anu noti'imo ka' sumo sehu' anu pinuuhakonmo nu antong. Pinotoukamo nu Tumpu na tampat sa'angu' ponguna'an aha anu talalo hondo pikat.

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.