SISIKON NU TO RASUL-RASUL 12:8 - KITAB NU TUMPU ALLA LELE MA'IMAI'

⁸ Lapas aijo', malaikat aijo' notataemo, “Pusokmo na baju'um ka' putimo na sapatuum.” Saba' i Petrus nompusok baju'nyo ka' nomputi sapatunyo. Lapas aitu malaikat aijo' notatae mule', “Pusokmo na juba'um ka' batukimo mae na aku.”

SISIKON NU TO RASUL-RASUL 12:8 ပူးပေါင်းရင်းမြစ်များ

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 6:9

Pake na sapatu, panyo boli momboa ohua' na baju'.”

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

SISIKON NU TO RASUL-RASUL 12:7

Monti-montiik malaikat nu Tumpu tinuminjo i kiijo' ka' kino sahaya nonjingkai uno nu kaman nu talungku' aijo'. Malaikat aijo' noliko i Petrus sampe ia nobula. Lantas malaikat aijo' notatae, “He, dongan pobula!” Tempo'nyo aijo' mule' nanabu'mo na lante' besak i lima i Petrus.

SISIKON NU TO RASUL-RASUL 12:9

Sahingga i Petrus nombatukimo malaikat aijo' nosabat lengkat i talungku'. Panyo i Petrus madi' monsumbu' apaa na anu hau-haunyo binaumo nu malaikat aijo' memang hahan anu totu-totu'u jinadimo. I Petrus nonsangka aijo' ola han anu kinohiabakon.

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.