SISIKON NU TO RASUL-RASUL 12:7 - KITAB NU TUMPU ALLA LELE MA'IMAI'

⁷ Monti-montiik malaikat nu Tumpu tinuminjo i kiijo' ka' kino sahaya nonjingkai uno nu kaman nu talungku' aijo'. Malaikat aijo' noliko i Petrus sampe ia nobula. Lantas malaikat aijo' notatae, “He, dongan pobula!” Tempo'nyo aijo' mule' nanabu'mo na lante' besak i lima i Petrus.

SISIKON NU TO RASUL-RASUL 12:7 ပူးပေါင်းရင်းမြစ်များ

2 SAMUEL 22:29

Belento nontutungimo pansona'ku Tumpu Allah-ngku nonjingkaimo mae aku ikapintungan.

1 TOMU-TOMUNDO' 19:5

Lantas ia nale'mo i patu nu kau' aijo', ka' kinahoyotanmo. Monti-montiik samian na malaikat nolikomo ia ka' nompoto'i “Bulamo Elia, pongkaanmo!”

1 TOMU-TOMUNDO' 19:7

Tinoka kinopinduannyomo malaekat nu Tumpu noliko ia mule' ka' nompoto'i, “Pobulamo, Elia ka' pongkaanmo da beleyum moko ala montahan lumajang majo'on.”

MAZMUR 107:14

Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

MAZMUR 146:7

Ia na montinjohi hak nu to mia-mian anu pinosakisamo ka' mombee'i mongkaan mian anu no'ohopmo. Tumpu mompobebasmo to mia-mian anu tinalungku'mo,

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 68:6

Tumpu anu jojoong i Laigan-Nyo anu susi' tuuma nu anak anu inguanonmo madi'mo ko tuumanyo ka' tinanyo, ka' anu saja' mompalahatikan to mia-mian binalumo.

YESAYA 37:30

I Yesaya nompakatu mule' potuunon aiya sumo uuka hi Hizkia, “Aiya na anu bau tanda hi beleyum. Taun aiya tiba taun anu aiya mae o, ahopi mian mongkaanmo gandum anu mosi tumuu'. Panyo lapas na aijo' aha timbalimo montugan gandum tiba mosu'an anggur ka' mule' molasaimo saidi' mae bua'nyo.

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YEREMIA 40:1

Tumpu notataemo mae hi belengku salatan i Nebuzaradan, kamundan nu suludadu aijo' nompobebasmo mae aku kiijo' i Rama. Aku binoamo kiijo' mae hau-haunyo pinungumo nu lante' besak tiba iwi-iwi' na mian sangga'at anu lengkat mae i Yerusalem ka' Yehuda anu hau-haunyomo binoa salaku mian anu ihakop binoa i Babel.

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

HABAKUK 3:11

Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

HABAKUK 3:4

Belento tinoka mae nompake sahaya anu lonsinuan hondo; lengkat mae ilima nu Belento nosabatmo mae na jingka anu jongkilaban hondo, ikiijo'mo na pinomposulukan nu Belento kakuasa'an nu Belento.

MATIUS 2:13

Salatan to pande-pande anu monsumbu' mandala' aijo' i nambamo, Malaikat nu Tumpu nanintoamo hi Yusuf i uno nu ipion. Malaikat aijo' notatae, “I Herodes ko kahanda' molio Anak aijo' da o patei na Ia. Kalana aijo' bulamo, boa na Anak aijo' tiba tina-Nyo malai nokiijo' i Mesir. Jojoong i kiijo' mae sampe-Ku poto'ije mule' hi beleyum.”

LUKAS 2:9

Monti-montiik malaikat nu Tumpu nompotoamo butongnyo hi aha ka' jingka lengkat hi Tumpu nonjingkai aha, ka' aha talalomo mabuhuk.

LUKAS 24:4

Hau-haunyo aha tinjo-tinjo i kiijo' ka' bingong mompopikilakon han aijo', monti-montiik ua'aha na mian nimbaju' lonyi-lonyingkaban tinjo-tinjo koko aha.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 12:6

Pihi-pihi ma'isa pe'e i Herodes nompopangadap i Petrus hi mian da'isan, i Petrus male-male' pinungu nu ohua' na pompungu i totonga' nu ohua' na suludadu anu monjagai. I tumban nu talungku' to sulu-suludadu sangga'at suele hau-haunyo monjagai talungku'.

SISIKON NU TO RASUL-RASUL 12:8

Lapas aijo', malaikat aijo' notataemo, “Pusokmo na baju'um ka' putimo na sapatuum.” Saba' i Petrus nompusok baju'nyo ka' nomputi sapatunyo. Lapas aitu malaikat aijo' notatae mule', “Pusokmo na juba'um ka' batukimo mae na aku.”

SISIKON NU TO RASUL-RASUL 16:26

Madi' pinin tinokamo na luulu' daka' hondo, sampe mesen nu talungku' aijo' ginayu'an. Iwi-iwi' na tumban nu talungku' tinontuhea' ka' lante-lante' anu pinompungu iwi-iwi' mian nu talungku' nobotu-botu'.

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

SISIKON NU TO RASUL-RASUL 9:3

Hau-haunyo mompatui mokiijo' i Damsyik, salatan ingohanimo i kota aijo', madi' pinin sa'angu' na jingka lengkat i langit nonjingkaimo titikub hi Saulus.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

ANU PINOTO'I HI YOHANES 18:1

Lapas na aijo', aku nontoamo samian na malaikat sangga'at nintau' mae lengkat i suluga'. Ia ko kuasa anu daka' hondo, ka' jingkanyo nonjingkaimo songko-songko na dunia tinimbalimo majingka.