SISIKON NU TO RASUL-RASUL 12:3 - KITAB NU TUMPU ALLA LELE MA'IMAI'

³ Salatan i Herodes nontoa saba' kalakuannyo aijo' momposanang kinyonyoa nu to mia-mian Yahudi, ia nompaka bau mule' anu sumo aijo'; ia nonsai mian mohakop i Petrus suele. Han aijo' jinadi tempo'nyo Sinaa Daka' Roti Anu Madi' Mompake Ragi.

SISIKON NU TO RASUL-RASUL 12:3 ပူးပေါင်းရင်းမြစ်များ

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

MATIUS 26:17

I sinaa momonanyo i uno nu Molame'akon Roti Madi' Mompake Raginyo, anu saja' mombatuki Yesus tinoka hi Ia. Aha nompokilawa, “Iyamae na anu oka'oho' nu Kita Tuuma kami momposadiakon kaanon nu Paskah hi Tuuma?”

YOHANES 12:43

Aha lebee mongka'ima'i nu puji' nu mian molingkudui pongangga'i nu Tumpu.

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

YOHANES 21:18

Totu'u hondo na potataeng-Ku aiya: Tempo'nyo beleyum daagi' olitau, posi beleyum na mombutu' kompongum, ka' mamba pa' moya na nu kahanda'i. Panyo de beleyum langkai'mo, beleyum montajuakonmo limaum, ka' mian sangga'at na mompungu beleyum, ka' momboa beleyum hi anu madi' nu ka'ima'i na kalambanan.”

SISIKON NU TO RASUL-RASUL 12:4

Pinoko hakop, i Petrus pinosoopmo i uno nu talungku'. Opat na tompukan nu suludadu pinalentahkon da monjagai i Petrus kiijo' – toto santompuk miannyo aha opat na suludadu. Ilapas na lamean nu Paskah, atina'je ka' i Herodes nomputusi i Petrus i ahop nu mian da'isan.

SISIKON NU TO RASUL-RASUL 2:14

Lantas i Petrus tinuminjo hingga-hinggat aha sampulu' ka' sa'angu' na rasul sangga'at, lapas aitu aha notatae hi mian da'isan aijo'. Ia notatae daka-daka', “To Utu-utus, to mia-mian Yahudi ka' iwi-iwi' anu jojoong i Yerusalem! Hongo ima-ima', kalana han aiya palalu ku talangkanakon hi komiu.

SISIKON NU TO RASUL-RASUL 20:6

Noko lapas Lamean Roti Anu Madi' Mompake Ragi, kami tinalabutmo nompala'i Filipi. Ilapas aijo' kino liman sinaanyo kami po'ule'mo mule' sinihuk i Troas tiba aha. I kiijo' mae kami jinojoong sina'angu' na duminggu.

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 25:9

Panyo i Festus mongka'oho' mongala kinyonyoa nu mian Yahudi. Sahingga nompokilawa hi Paulus, “Mongka'oho' na beleyum mamba mokiijo' i Yerusalem da oputusi i kiijo' mae i ahopku mongkona pontuuk haha aijo'?”

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.