SISIKON NU TO RASUL-RASUL 12:23 - KITAB NU TUMPU ALLA LELE MA'IMAI'

²³ I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 12:23 ပူးပေါင်းရင်းမြစ်များ

2 TOMU-TOMUNDO' 19:35

Pihi-pihimo aitu na Malaikat nu Tumpu tinoka i kemah nu aha mian Asyur, ka' nompatei 185.000 na suludadu. Dodo-dodopnyo subu-subu bangke' nu aha haha aijo' paha-paha bahangkangmo.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

AYUB 19:26

Maumo kilitku kahomo bela ka' nobehe-behe'mo, panyo de daagi' ko butongku, Tumpu Allah saja' ku tonto'i.

AYUB 7:5

Butongku nobuke'mo nu somoyu ka' kahomo kogang nu baso'; kilitku kahomo bela ka' saja'mo minana'.

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

NOSABATMO 12:29

Tonga-tonga' pahu aijo' Tumpu nompateimo iwi-iwi' na anak mo'ane anu tumpe hi bansa Mesir, lengkat pe'e hi anak nu tomundo toka-toka hi to ana-anak nu mian anu tinalungku'mo. Iwi-iwi' na potuu'on anu inganakakon momona suele pinatean.

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

YESAYA 14:11

Naipuan mae beleyum oholomati nu kasapi' na okuti' panyo uuka aiya jinojoongmo itampat anu liing, dunia nu mian anu sinilakamo. Sagala ias timbalimo bau koi nu beleyum ka' onjoluate' timbalimo bau pinsabut nu beleyum'.’

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YESAYA 66:24

De aha mambamo, aha montoamo bangke' nu to mia-mian anu notomuhukmo hi beleng-Ku. Las anu mongkaanmo bangke' nu aha madi' ahi' silaka, ka' mule' apu anu nompapuimo aha madi' ahi' mate: han aijo' de otoa memang ahi' talalomo okabuhuk nu mian iwi-iwi'.” 167

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

SISIKON NU TO RASUL-RASUL 12:22

Layat anu hau-haunyo mohongo aijo' notatae daka-daka', “Aiyamo na potatae nu tominuat, misa' potatae nu mian!”

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

1 SAMUEL 25:38

Kila-kila sinampulu'an na kinopinnyo, i Nabal po ule' mule' kinona nu sakitnyo anu kiijo' i sulenyo lengkat mae hi Tumpu sahingga ia sinilakamo.