SISIKON NU TO RASUL-RASUL 12:11 - KITAB NU TUMPU ALLA LELE MA'IMAI'

¹¹ Ilapas aitu, atina'je ka' i Petrus tinolo sukap i apaa na anu jinadimo hi ia, lantas ia notatae, “Uuka aiya sinumbu'kumo taalu' i Tumpu totu-totu'u nonsaimo mae malaikat-Nyo da molapasakon aku i kuasa i Herodes ka' lengkat i sangga-sangga'atan anu nubau nu bansa Yahudi hi belengku.”

SISIKON NU TO RASUL-RASUL 12:11 ပူးပေါင်းရင်းမြစ်များ

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

KAJADIAN 18:13

Lantas pinokilawamo nu Tumpu hi Abraham, “Kadaka' i Sara kinumojomo ka' bata-bata. Kalana ia bengkele'mo, panyo daagi' mohampeakon anak?

KAJADIAN 26:9

Sahingga i laganyo na i Ishak ka' ia notatae, “Te misa' boune aijo' bengkele' nu beleyum? Kadaka' nu poto'i tukooyum ia utus ise' nu beleyum?” Tinaaman i Ishak, “Ku tutugi, saidi' mae dumo aku opatei de ku poto'i ia aijo' bengkele'ku.”

2 SAMUEL 22:1

Salatan i Daud pinosalamatmo nu Tumpu lewa' nahampate nongewa i Saul ka' mule' hi iwi-iwi' na sampo bali'nyo sangga'at, i Daud nanyanyimo nyanyian nompuji Tumpu: (

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

AYUB 31:31

Nusumbu' nu to mia-mian anu mokalaja hi belengku saba' maumo pa' ihe ku bee'i mongkaan i laiganku.

AYUB 5:19

De ko balaa' anu montokai mae, saja' beleyum na oposalamat.

MAZMUR 109:31

Kalana Ia montinjohi ka' momposalamat mian anu kasiasi da boli mohumpak hukuman mate anu nu nabu'akon mae nu aha hi ia.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 33:19

Ia na momposalamat aha da madi' silaka ka' mompotumuu' aha de tokamo mae na kasusa'an i anu okaan.

MAZMUR 34:22

Mian anu ma'idek na palabuatannyo silaka kalana palabuatannyo ma'i-ma'idek mian anu mongka'ideki mian anu balaiman hondo mohumpak hukuman.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 41:2

Mohumpak kantumuu'an ma'ima' na mian anu mompalahatikan mian anu madi'mo mahoson; Tumpu na montulungi ia de nu tokaimo nu kasusa'an.

MAZMUR 97:10

O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

DANIEL 3:25

Tinaaman i tomundo', “Panyo kadaka' tinoangku na aha opa-opat na mian haha aijo' kinolalajangmo i totonga' nu apu aijo'? Aha madi'mo pinungu ka' madi' ahi' nongku-nongkuka? Ka' anu ko opatnyo aijo' na susumo ahi' pilogot.”

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

LUKAS 15:17

Kinahimpusannyo ia sininsumbu'mo ka' notatae, ‘To mia-mian anu mokalaja hi tuumangku molabi-labi na kaanonnyo, jo aku i aiya mompai patemo nu ohop!

SISIKON NU TO RASUL-RASUL 12:7

Monti-montiik malaikat nu Tumpu tinuminjo i kiijo' ka' kino sahaya nonjingkai uno nu kaman nu talungku' aijo'. Malaikat aijo' noliko i Petrus sampe ia nobula. Lantas malaikat aijo' notatae, “He, dongan pobula!” Tempo'nyo aijo' mule' nanabu'mo na lante' besak i lima i Petrus.

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 25:9

Panyo i Festus mongka'oho' mongala kinyonyoa nu mian Yahudi. Sahingga nompokilawa hi Paulus, “Mongka'oho' na beleyum mamba mokiijo' i Yerusalem da oputusi i kiijo' mae i ahopku mongkona pontuuk haha aijo'?”

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,